Eşq "Pərvanə"si (Real)

Bölüm 10... Diqqət! 18+

Əgər xəyanətin tərifini soruşsalar hər dildə eynidir deyərdim!!! Xəyanətin ən ağırı ən guvəndiklərimizdən gələndir. Xəyanətin ən çirkini isə gözünün içinə baxa-baxa ediləndir. Xəyanəti edən bir gün mütləq gedər... Ya öz xoşu ilə, ya da məcbur olduğu üçün... Necə deyərlər böyük insanlar vida edərək gedərlər, bəsit və kiçik insanlar isə xəyanət edərək... *** Raufun mesajından sonra sanki mənə ikinci nəfəs, güc-qüvvət gəlmişdi... Bayaqdan oxuduqca heç cürə qavraya bilmədiyim dərslərimi 1 saatın içində bitirmiş və sabaha hazırlıq görməyə başlamışdım. Öncə çimib sonra saçlarımı burmuşdum... Dırnaqlarıma boya çəkib qurumasını gözləmiş, daha sonra isə sabah geyinəcəyim paltarlarımı hazır qoymuşdum. Çantamı da yığıb yerimə uzanaraq dərin yuxuya dalmışdım... Rauf dediyi kimi səhər saat 9- da artıq blokun qarşısında idi... Əslində çox tez gəlmişdi. Çünki evdən universitetə cəmi yarım saat məsafə var idi. Elə də olmuşdu. 10-nun yarısı biz artıq universitetinin qarşısında idik. Onunla biraz zaman keçirmək istəsəm də Rauf: - İşə tələsirəm, çıxanda xəbər et! İmkan olsa gələcəm - deyərək məni yola vermişdi... Maşından düşüb universitetə doğru gedərkən bir neçə dəfə çönüb arxaya baxsam da o hələ də orda idi və mənim ardımca baxırdı... Ürəyimdə: - Yəqin mənim universitetə girməyimi gözləyir, sonra gedəcək deyə düşünmüşdüm. Hətta bu xoşuma belə gəlmişdi.... Demək olar ki, ilk gələn mən olmuşdum. Sonra digər uşaqlar və nəhayət Nəzrin də gəlib çıxmışdı. Amma yaman bikef idi. Bir neçə dəfə nə olduğunu soruşsam da "Hər şey yaxşıdır. Sadəcə başım ağrayır" deyərək məni yola vermişdi. Günel isə hələ gəlməmişdi... *** Pərvanə maşından enib universitetə girdikdən sonra Rauf də enərək bir qıraqda durub Günelin gəlişini gözləyirdi. Onunla son dəfə danışıb fikrini alacaqdı. Çünki onsuz yuxuları ərşə çəkilmiş, onun üçün dəli-divanə olmuşdu... Budur Günel gəlirdi. Yanında heç kimin olmadığından istifadə edərək Rauf ona yaxınlaşıb: - Salam! -