yaxşı bacarırsan" dediyində Mariya artıq sevdiyi kişinin aşiq olduğunu başa düşmüşdü.Bunun fərqinə varmaq elə də çətin deyildi.Cavidan ilk dəfə idi hansısa qadın haqqında "O, gözəldir." deyirdi.Adətən qadınlar haqqında sadəcə "O, çox cəzbedicidir, o, çox ağıllıdır, çox gözəl ayaqları var, möhtəşəm səsi ilə özünə bağlayır." kimi qısa və birmənalı olmayan fikirlər irəli sürür ,dərhal sonra da onlarla tanış olmağa tələsirdi ,lakin Bahar barəsində saatlarla danışa bilirdi.Baharın bişirdiyi qədər dadlı yeməklər yemədiyi haqqında, onun gözlərində gördüyü mənanın nə dərəcədə dərin olduğu, onun saf baxışları, onun insanı özünə səbəbsiz baglaya bilmə qabiliyyəti və s və s və s...Bütün bunlardan heç yorulmadan danışa bilirdi.Bezmirdi, usanmırdı.Onu hələ universitet vaxtından çox gözəl tanıyan, bütün işlərini öz üzərinə götürüb bunun qarşılığında heç nə istəməyən, sevgisi uğrunda onu sevmədiyini bilərək Cavidanın yatağına belə girən Mariya isə Baharı heç qısqanmamışdı .Əksinə o, "sevdiyimin xoşbəxtliyi mənim xoşbəxtliyimdir" şüarı ilə yaşayır və Cavidanın həqiqətən bir gün oyuncaq olaraq görmədiyi qadının onun həyatına gələcəyi günü gözləyirdi.Həmin gün isə gəlmişdi deyəsən.Təəssüf həmin o qadının özü olmağını istəsə də Mariya üçün artıq yaşı təqaüdə çatmış qadınlara gec olduğu qədər gec idi.
Mariya Yaşarla arası yaxşı olmasına baxmayaraq Baharı gördüyü ilk andan bütün qəlbi ilə onların boşanacağını arzulamışdı.Bahar bütün bunlardan, Cavidanın sevgisindən, Mariyanın arzusundan xəbərsiz ona toy hazırlıqlarında kömək edən bu cütlüyü çox sevmişdi.
Onların mübahisə etməsi və nə dediklərindən asılı olmayaraq bir-birlərindən heç vaxt inciməməsi ,əsil sevən cütlük təəssüratını yaratmışdı Baharda.Nə bilmək olar bəlkə də onlar sevdikləri halda bundan xəbərsiz idilər və bu sevgini "azad münasibətlər " adlandırıb özlərindən uzaq tutmağa çalışırdılar?!
Hər zamankı kimi Yaşar onlarla deyildi. Ümumiyyətlə Yaşar Baharla ancaq bir dəfə harasa çıxmışdı, onda da onu itirmişdi deyə bir