r daha belə şey etməyəcəyinə söz vermişdi elə bil.Cavidan isə hər şeyə rəğmən hətta toy paltarlarlarını necə seçmək lazım olduğu haqqında heç bir təsəvvürü olmadan onlarla addımbaaddım gəzir, hər dükana, hər salonun qarşısına öz maşını ilə aparırdı qızları.Seçim çox çətin olmuşdu.Nə Baharın seçib geyinmək istədiklərini Mariya bəyənir, nə də Mariyanın seçdiyi açıq-saçıq geyimləri Bahar qətiyyən geyinmirdi.Mariya onlarla dükan gəzmiş, ən bahalı brend mağazalardan belə Bahara uyğun bir şey tapa bilməmişdi.Əslində Bahar olduqca yığcam bədəninə nə keçirsə hər şey gözəl qalırdı ,ancaq o, heç birində əli ilə sinəsini örtmədən, ətəyini dartmadan gəzə bilmirdi.Son olaraq Mariya Baharın əlindən tutub özü ilə tanış və əl işləri ilə hamını heyran qoya biləcək stilistin yanına aparmış və onun ölçülərini aldırmışdı.
-Qulaq as, Roma ,donda nə isə dediyimdən əksik olsa özündən küs!- Mariya yarı zarafat bütün işlərini sözsüz bəyənəcəyini bildiyi dostuna söyləndi.
-Aaa o nə sözdü Marii, mən heç bu vaxta qədər sənə səbəb vermişəm belə danışasan mənimlə?- Roma hər zamankı kimi əzilib , büzülür, bununla ona altdan-altdan baxan Baharın diqqətini daha çox çəkirdi. Bu da Baharın həyatında ilklərdən idi. Televizordan görərdi ,lakin canlı ilk dəfə idi.
-Bu qız kukladı ,kukla.Mənim tikdiyim donu geyinsə lap printsessa olacaq inan.
-Sənə güvənirəm göyərçinim- deyə Mariya dodaqları ona toxunmadan Roma ilə yanaq-yanağa öpüşüb , görüşərək tərk etmişdi salonu.Bahar onun yanında əminliklə başı uca gəzən Mariyaya baxır və nədənsə ona qibtə edirdi.Mariya uzun ayaqlarını nümayiş etdirən şortlar ilə elə gözəl yeriyirdi ki, bu nəinki ətrafdakı kişilərin diqqətini cəlb edir , Baharı belə heyran qoya bilirdi.Onun ən bahalı brendlərdən olan çantası, əyninə geyindiyi ağ rəngli bluzu ,hər zaman havanın axınına uyğun dalğalanan uzun və təbiidən heç nə ilə fərqlənməyən sarı saçları, bütün bunlar hamısı onu Baharın gözündə sadəcə əlçatmaz qadına çevirirdi.Bahar illər uzunu çalışa da bu qədər müstəqil, öz