açıb dillənə bilir, nə də qıraqda qolları qoynunda ona qalib gəlmiş əda ilə qaş-göz edən Mariyaya reaksiya verirdi.Baharın gözləri isə ətrafda gəzirdi.O, Yaşarın heç olmasa onu toya aparmaq üçün gələcəyini gözləsə də, yanılmışdı yenə deyəsən.
-Ssən, sən... Əsrarəngizsən.- Cavidan gözlərinə şübhə edirmiş kimi başını yellədi.Bahar onun sözlərinə qarşılıq sadəcə gülümsəyə bilmişdi.İndi fikiri başqa yerdə idi deyə gözlərini ətrafda gəzdirdi və maşının içərisinə boylandı. Mariya ilə Cavidan onun kimi axtardığını artıq başa düşmüşdülər.
-Gəlin vaxt itirməyək, - Cavidan qapını açıb, Baharın avtomobilə əyləşməsini gözlədi.Onun Yaşarı gözləməsi Cavidana pis təsir etmişdi.Mariya da öz məşuqunun halından xəbərdar idi , Baharın əlindən tutub onunla birlikdə arxa oturacaqda yer aldı.
-Yaşar da yəqin ki, toyun başlanğıcına özünü çatdırar .
-Hə, bu gün işləri çox idi.- idarəyə keçən Cavidan Mariyanın eyhamını tutan kimi cavabı gecikdirməmişdi.
Cavidan çox böyük bir şadlıq sarayının qarşısında avtomobili dayandırıb enər-enməz ilk növbədə Bahar üçün qapını açdı.Mariya adətən onun yanında otururdu və Cavidanın nə vaxtsa onun üçün qapı açdığını belə xatırlamırdı, ona görə bu hadisəyə dodaqlarında təbəssüm ilə yanaşdı.Onlar toyun başlanğıcına gecikmişdilər, içəri keçdiklərində hər kəs artıq əyləşmiş, kimisi söhbət edir ,kimisi yemek və içkilər ilə başını qatırdı.
Bahar kəndlərində belə sakit keçən toya heç vaxt rast gəlməmişdi.Burada uşaqlar səs-küy salmır, qulaq batırıcı musiqilər səslənmir, hər kəs özünü hər hansısa dəb sərgisindəki kimi aparırdı. Bahar içəri keçərkən hər kəsin bir adam kimi çevrilib ona baxdığını görmüşdü.O, utancaq şəkildə gözlərini endirsə də hamının nəzərini öz üzərində hiss edirdi.Fateh onları görər-görməz yaxınlaşıb gəlininin əlindən tutaraq qarşısına çıxan hər kəsə onu təqdim etməyə başladı.Yuliya isə oturduğu yerdən tərpənməmişdi. Özünü Baharı tanımırmış kimi aparıb , "öz təbəqəsinə uyğun insanlarla" söhbətinə davam etdi.Ondan gəlini haqqında