etmək üçün nə qədər vaxt sərf etmişəm?
-Mariya sənin səylərini dəyərləndirirəm ,ancaq mən səndən onu sadəcə səliqəyə salmağı xahiş etmişdim.Bu geyim, saç və makiyaj Baharın yaşıma uyğun deyil! -Yaşar dişlərini sıxaraq danışırdı və bu Baharı qorxutmamış deyildi.
-Şşş ,Yaşar bir az sakit ol, nə olub sənə?- uzaqdan onların söhbət etdiklərini eşidən Cavidan yaxınlaşıb əlini Yaşarın çiyninə qoydu və onu sakitləşdirməyə çalışdı.
-Günahın yarısı da səndədir Cavidan.
-Məndə?- Cavidan qaşlarını maraqla qaldırıb Mariyayla Bahara baxdı.
-Sizdən xahiş etmişdim qızı sadəcə kəndçi görünüşündən çıxarın, daha klouna oxşadın deməmişdim!- Yaşar cümləsini bitirəndə Cavidanın və Mariyanın üz ifadəsindən nə isə səhv söz dediyini təxmin etmişdi.Baharın üzünə baxanda isə nədə səhv etdiyini anladı.Bahar başını aşağı endirib gözlərindən çıxmağa tələsən göz yaşlarını boğurdu.Cavidanın qaş-göz etdiyini görəndən sonra Yaşar Bahara fikir verdi və
-Yaxşı bəsdi daha,- deyə masanın arxasına keçdi.Mariya da Baharın əlindən tutub onunla birlikdə əyləşdi. Hamı Yaşarın bu gün heç əhvalda olmadığını görə bilirdi, bircə Bahar isə nələr baş verdiyini təxmin edirdi. Yaşar dünən gecə baş verənlərə görə belə əsəbi idi yəqin ki,bəlkə də Bahardan açıqlama gözləyirdi. Nə qədər gözləsə də Bahar heç nə deyə bilməzdi, Sənanın kim olduğunu ,yuxuda nə gördüyünü. Həm də niyə Yaşar bununla maraqlanırdı axı? Onun buna haqqı var idimi ümumiyyətlə?
Onların üçünün də danışmağa mövzusu var idi deyə masada özünü rahatsız hiss edən yeganə şəxs Bahar idi.Həzin musiqi sədaları altında gəzişən və bir-biri ilə söhbət edən hər kəsin üzündə xoş təbəssüm parlayır, Bahar isə narahat halda başını qatmaq üçün bir şey axtarırmış kimi gah ətrafa baxır, gah da barmaqları ilə oynayırdı. Arada bir içkisindən qurtum alaraq ona nəzər salan Yaşarın gözlərində bu zamana qədər görmədiyi qəribə ifadə də onu qorxutmur deyildi.O, bununla nə deməyə ,nə etməyə çalışırdı ki?? Daha doğrusu Bahara nəyi sübut etmək istəyirdi?
Toy mərasimi