i olduqca axıcı keçir ,hamı öz bildiyi kimi əylənməyə çalışırdı.Bahar isə sadəcə bu həngamənin bitməsini gözləyirdi. O, özünü Yuliyaya nəyisə göstərib ,isbat etmək üçün istifadə edilmiş gəlincik kimi hiss edirdi.Belə bəzədilib, bu toya gətirilməsi ona təsir edir,onsuz yerlərdə olan qüruruna toxunurdu..Bütün bunları qıraqdan sakitcə izləyən Fateh sonunda qarşı-qarşıya söhbət etdiyi tərəfdaşından üzr istəyib ,onların masasına yaxınlaşdı.
-Gənclər, əylənə bilirsiz?- onun sualı ilə hamı Bahara baxdı.Fatehin verdiyi sualdakı istehza heç kimdən yan ötüşə bilməzdi.
-Niyə durub rəqs etmirsiz?- Fateh üzünü Yaşara tutub başı ilə Bahara işarə etsə də o, heç nə eşitmirmiş kimi apardı özünü.Bahar da sözün ona aid olmadığını düşünmüş olmalı idi ki, gözlərini hər zaman olduğu kimi ətrafda gəzdirdi.Cavidan fürsəti dəyərləndirmək lazım olduğunu düşünürdü.Cütlüyün bu etinasızlığı onun işinə yarayırdı.
-Əgər Yaşar etiraz etmirsə, -deyib, dərhal ayağa qalxdı.- Mən böyük məmnuniyyətlə Baharla rəqs etmək istərdim.
Mariya gülümsündü,Fateh təəccübləndisə, Yaşar heç nə demədən dodağını qaçırdı və bununla razılıq vermiş oldu.Fateh oğluna heç nə deməsə də baxışları onun bu hərəkətini qəbullanmadığını göstərə bilirdi.
Bahar maraqla səliqəli pencəyin altından ona doğru uzanmış ələ baxır və sanki tərəddüd edirdi.Növbəti an o, bir növ acıq ilə ayağa qalxmışdı , nə Yaşara ,nə də digər kiməsə baxmadan , Cavidanın əlindən tutub digər cütlüklərin bir-birinə sarılaraq rəqs etdiyi meydançaya doğru irəlilədi.Əlindən gələn hər şeyi etdiyi halda qarşısı alınmaz eqosu ilə hər şeyi alt-üst edən oğluna sərt baxış atan Fateh onları Mariya ilə tək qoyub, həyat yoldaşının yanına qayıtdı. Yuliya ərinin onu tək qoyduğunu, saysız-hesabsız söhbət tərəfdaşları ilə aparılan müzakirələr zamanı fərq etməmişdi deyə Fateh gəldiyində " Fateh də elə onu deyir..." cümləsi ilə ədayanə hərəkətlə ərinin qoluna girdi.Onun üçün Fatehin heç xəbəri olmadığı mövzuda nə fikir bildirəcəyi və hansı mövqedə olacağı tamamilə