doğru yaxınlaşmaqda olan sevgilisini dayandıran sözləri hər üçünün nəzərlərini masa arxasında Yuliya ilə yan-yana oturub özünü söhbətlərə mədaxil etməyən Fatehə doğru yönəldi.O, bunu hiss etmiş olmalı idi ki, gözlərini cütlüklərdən çəkdi və içkisini əlinə aldı.
Cavidan əlindən sevimli oyuncağı alınmış uşaqlar tək dinməz halda Mariya ilə digər tərəfə çəkilərkən üz-üzə qalmış Baharla Yaşar bir-birlərindən gözlərini sanki, yerdə nə isə axtarır və bunu gizlincə etməyə çalışırmış kimi qaçırırdılar. İkisi də bilirdilər ki, bu ilk olacaqdı, onlar ilk dəfə rəqs edəcəkdilər.Qıraqdan onların fikirlərini kitab oxuya bilən kimi oxuyan olsaydı çox gülərdi yəqin. İkisi də toy günləri imiş kimi həyəcanlı idilər .Halbuki,həqiqi toy günlərində Bahar bitkin, Yaşar isə bivec idi.Həmin gün rəqs ,hələ-hələ həzin rəqs heç yadlarına da düşməmişdi, həm kim idi onları buna məcbur edən? Toy hamının sadəcə yeyib-içməyə və özlərinin rəqs etməyə gəldiyi yerdə keçmişdi.Yaşar bir addım irəli gəldi, əlini ona uzatdı və Baharın hələ havada tərəddüd edən əlini dərhal qapıb onu özünə sıxdı.Cavidan deyildi hər halda Yaşar, onun arvadı ilə onu qucaqlaya biləcək halda rəqs etməsində heç bir əmma ola bilməzdi.Bahar ani hərəkətdən çaşdı və iri gözlərini ərinə tuşladı.Onlarda "sən nə etmək istəyirsən?" sualı oxunurdu.Baharın bir incə əli onun baxımlı olmasına baxmayaraq kobud olan əlinin içindəykən ,digəri Yaşarın çiynində eyniylə az öncə havada yaşadığı tərəddüd kimi çox gec qərarlaşdı.Yaşar Baharın sinəsini öz sinəsinin aşağı hissəsində , hər nəfəs alışını saya biləcək şəkildə hiss edirdi.Hə, heç dikdaban ayaqqabılar da Baharı Yaşarla eyni boya çatdıra bilməmişdi.Bu əcayib çocuqsayağı hisslər idimi onu azğınlaşdıran bilmirdi ,amma və lakin Yaşar növbəti an qolunu Baharın incəmi incə belinə daha bərk sarmaqdan çəkinmədi.Bahar nə edəydi ki, bu insan özünü həddindən artıq qəribə apardığını başa düşsün? Gözlərini nə qədər irildə idi ki, onlarda "bunu etməməlisən!" yazısını görə bilsin? Yaşar heç onun