n xainliyini heç cürə həzm edə bilmirdi. Daha bir həftə əvvəl Eldarla söhbətlərini yadına salıb içi-içini yeyirdi... 1 həftə əvvəl İyun ayı idi. Artıq bütün dəvətnamələr paylanmış, xüsusi müğənnilər belə dəvət edilmişdi... Bir neçə qohuma dəvətnamə göndərə bilmədikləri üçün Bəsti zəng edərək onları da çağırmışdı. Son zəngini də edib gəlib divanda Eldarın yanında əyləşmişdi. Eldar divana söykənib ayaqlarını uzadaraq televizora baxırdı. Bəstini görüb: - Deyirəm toya sayılı günlər qalıb. Toyu yola verim gedib yaxşıca dincələcəm. Ən az iki, ən çox beş ölkə gəzəcəm deyərək bic-bic gülməyə başladı.. Bəsti: - Ay kişi gəzəcəm nədi? Gəzəcəyik! Sənə elə gəlmir artıq məni də aparmağın vaxtı gəlib? Həm oğlum da evlənəcək mən təkmi qalacam? deyərək Eldara baxmışdı... Eldarın üz ifadəsi dəyişərək: - Sənin xaricdə nə işin var arvad?! Həm sən nə edirsən ki yorulursan? Dincəlmək işləyənlərə lazımdır. Sən elə evdə bütün günü dincəlirsən də - deyərək Bəstinin qəlbini yaralamışdı. Əslində onun gəzmək arzusu Gülşənlə idi. Bəstinin belə deməyi onu əsəbləşdirmisdi. Bəsti indi anlayırdı Eldarın niyə o gün elə dediyini. Deməli ora da məşuqəsi ilə gedəcəkdi.... Bir anda: - Şərəfsiz! Şərəfsiz! deyərək əlinə keçən qab-qacağı yerə çırparaq sındırmağa başladı. Rauf səsə gələrək anasının dəlilər kimi qışqırıb evi dağıtdığını görüb öncə çox qorxmuş, sonra onu sakitləşdirməyə çalışsa da buna müvəffəq ola bilməmişdi. Bu an qapının zənginin çalınması ilə ortaya sükut çökmüşdü... Gələn Fazilgil idi. Bu gecə onlara dəstək olmaq üçün gəlmişdilər. Rəna Bəstinin özündə olmadığını görüb qaçaraq onu qucaqlayıb sakitləşdirməyə çalışırdı.. Fazilgil vəziyyətin gərgin olduğunu görüb gecəni onlarda qalmışdılar. Demək olar ki, Ləman xaric heç kim səhərə kimi yatmamışdı. Pərvanə Raufla danışıb ona dəstək olmaq istəsə də Rauf buna icazə verməmiş, otağına qapanıb səhərə kimi ordan çıxmamışdı. Səhər hərəyə bir cür açılacaqdı. Bəsti hələ Eldarın şirkəti batırdigindan xəbərsiz idi. Rəna isə Fazilin qurduğu xain