Eşq "Pərvanə"si (Real)

Bölüm 12..

Bir vəfa gözləmə keçən zamandan, Mövsümlər vəfasız, illər vəfasız... Bir ümid gözləmə sevdadan, eşqdən, Sevirəm deyən dillər vəfasız... Bir dünya düşün ki, vəfadan yoxsun, Ömrünü verdiyin dostlar vəfasız, Bir həyat düşün ki, sevgidən yoxsun, Canını verdiyin canlar vəfasız... Gün gələr könüldə solar çiçəklər, Yalana qarışar bütün gerçəklər, Sevənlər gedəni boşuna gözlər, Yolçular vəfasız, yollar vəfasız... *** Qonaq otağından gələn səs Gülşəni yaman qorxutmuşdu. Qaçaraq otağa daxil olduğunda Eldarı yerdə uzanan görüb özünü onun üstünə ataraq: - Eldar nə oldu sənə? Eldar? Eldar oyan! Eldar!!! deyə qorxudan ağlamağa başlamışdı... Ağlına heç nə gəlmirdi. Bir anda Eldarın telefonunu götürüb Fazilə zəng etdi... Fazil telefonun ekranında Eldarın adını görüb: - Hə Eldar! deyə əsəbi halda cavab verdi... Dəstəyin o biri ucundan Gülşənin ağlayaraq: - Fazil bəy Eldar, Eldar deyərək sözün sonunu gətirə bilmədiyini eşidib təşvişə düşdü və: - Nə olub Eldara? Ağlama! De görüm nə olub? deyə səsini yüksəltdi.. Gülşən özünü ələ alıb: - Eldar yerdə hərəkətsiz yatır. Deyəsən nəfəs almır. Bilmirəm nə edim. Çox qorxuram, çox deməyi ilə Fazil yerindən sıçrayaraq: - Hardasız? deyə otaqdan çıxıb Gülşənlə danışa-danışa maşınına doğru qaçmağa başladı.... - Bizim evdə - deyərək Gülşən ağlamağa davam edirdi... - Mən çıxdım, yoldayam. Sən onu yerindən qəti təprpətmə! Təcili yardıma da xəbər edirəm! deyərək maşına minib son sürətlə Eldarın Gülşənə aldığı mənzilə doğru yol aldı. Yolda təcili tibbi yardıma da zəng edib ünvanı söylədi... Fazil ilə təcili yardım elə eyni anda yetişmişdilər. Dərhal Eldarı xərəyə qoyub xəstəxanaya aparmışdılar. Gülşən də Fazilin maşınına oturub təcili yardım maşınını izləyirdilər. Gülşən yol boyu elə hey ağlayıb özünü öldürürdü. Fazil Gülşənin ah-nalə etməyinə baxıb onun Eldarı həqiqətən sevdiyini zənn etmişdi... Fazil elə yolda Raufa zəng edərək Eldarı xəstəxanaya apardıqlarını söyləmişdi. Rauf eşitdiyi xəbərdən sarsılsa da