a onun ardınca. Masaya oturduğu andan Yaşar ona ünvanlanan suallara, müraciətlərə , istər Cavidan ,istər Mariya ,istərsə də ofisiant olsun,bütün hər şeyə məhəl vermədən içki dolu qədəhləri bir-birinin ardınca boşaltmağa başladı. Cavidan toyun sonuna yaxın dostunu məcbur şəkildə dayandırıb ,onu qolundan tutaraq ayağa qalxsa da Yaşar dostunu itələyib qarışmamasını istədi.Bahar iri gözlərlə baş verənləri izləyirdi, elə Mariya da .Yaşar idarəolunmaz vəziyyətdə idi.Ətrafda hamı onları izləyir və Cavidana ümidlə baxırdılar ki, bəlkə daha böyük qanqaraçılıq olmadan o, Yaşarı buradan uzaqlaşdıra bilər. Fatehlə Yuliya oğulları sərhoşluğun pik nöqtəsinə çatmadan bir saat öncə oranı tərk etdikləri üçün bu həngamədən xəbərsiz idilər ,təbii ki, bir müddətliyinə.
Cavidan Yaşarı zor gücü ilə oradan çıxaranda Mariya ilə Bahar öz dikdabanlarıyla onların ardınca tələsirdilər.
-Gəl, min maşına dostum- - Cavidan avtomobilinin qapısını açıb onu içəri salmağa çalışırdı, lakin cəhdlər uğursuz idi. Yaşar iki əliylə də Cavidanı sinəsindən yəqin ki, bir müddət ağrısı çəkilməyəcək şəkildə itələyib ayaqüstə tarazlığını saxlamağa çalışdı.Bu bir o qədər də yaxşı alınmasa da Yaşar hələ ki, yıxılmamışdı.
-Nədi? Nə baxırsan?- Yaşar sərxoş və qeyri səlist danışığı ilə səsini yüksəltdi.Mariya ilə Bahar ayaq saxladı, ikisi də maraq və qorxu içərisində baş verənləri müşahidə edirdilər.
-Güya sən də hamı kimi deyilsən? Demək istəyirsən ki, sən məni qınamırsan?
-Yaşar sakitləş...- Cavidan irəli gələrək ona toxunmaq istədi ,lakin Yaşar onun əlini rədd etdi.
-Əlini çək! Nifrət edirəm hamınıza .Mənə yazığınız gəlirmiş kimi aparmayın özünüzü! Siz hamınız axmaqsınız! Mən onu sevirdim! Başa düşürsən axmaq ?- Yaşar əlini sinəsinə vururdu. Gözləri dolur, içməkdən qırmızı olan dodaqları titrəyirdi. Bahar ilk dəfəydi ərini bu halda görürdü. Yenə bir ilk. Lakin ,ilk olan onun bu halı deyil Baharın ürəyindəki hisslər idi. Bu nə idi belə ? Bahar əlini sinəsinə doğru apardı. Bəlkə Yaşarın vurduğu zərbələr idi