Bölüm 13

-Bəlkə qayıdaq?- Yaşar əli ilə toy zalına gedən yola işarə etdi və Baharın kiçik təbəssümü ilə ikisi də elə yenicə addımlamağa hazırlaşırdılar ki, tanımadıqları ,lakin Yaşarı səsləyən səsi eşidib dayandılar. Bahar qollarını geniş açaraq onlara doğru irəliləyən orta yaşlı, saçları artıq ağarmağa başlayan ,orta boylu və bir az dolu adamın onlara yaxınlaşdığını gördü. Əynindəki boz rəngli və bahalı olduğu parçasından bəlli kostyum bədəninə balaca idi. Yaşar əvvəlcə gözlərini qıyıb, onun yaxınlaşmasını izləsə də daha sonra tanıdığı adamı içdən gülümsəmə ilə qarşıladı.
-Taleh əmiii,- ikisi də bərk qucaqlaşdıqdan sonra Taleh əmi deyilən həmin şəxs Yaşarı çiyinlərindən tutub silkələdi.
-Necəsən ,aslanım?
-Yaxşı, əmi ,siz necəsiz? Gülzar xala necədir?
-Eh ,bizik də oğlum, iki qoca ,oğul uşağı yola salıb oturmuşuq evdə ,bayquş kimi .
- Əstəğfürullah əmi, o nə sözdür? Siz bir özünüzə baxın, sizə qoca deyənin ağzı əyilər,- sözlər gülüş ilə müşayiət olundu.Oradan-buradan, havadan-sudan və əlbətdə ,mütləq və mütləq işdən açılan mövzulardan sonra nəhayət Taleh əmi gözlərini Yaşarın demək olar ki, arxasında gizlənməyə çalışan və bu hərəkəti ilə ovlanmaqdan qorxan dovşanlara bənzəyən Bahara doğru apardı.
-Məni bu gözəl xanımla tanış etməyə tələsmirsən aslanım?
Yaşar astaca arxaya tərəf boylandı və
-Həə, əlbətdə,- deyə Baharın qolundan tutaraq onu önə çıxardı.- Bu, mənim həyat yoldaşım Bahardır.
Taleh əminin gözləri böyüdü, ağzı nə iri ,nə kiçik , sadəcə orta şəkildə açıldı, qaşları qalxdı, özünü elə apardı sanki bu xəbər onu çox böyük şoka salmışdı.Halbuki, hər şeydən çox yaxşı xəbərdar idi, Baharı ilk dəfə görməsi isə onu belə təəccübləndirə bilməzdi hər halda.
-Nə danışırsan ,bu odur? Bu? - Taleh əmi əliylə Baharın da çiyninə Yaşarınkinə toxunduğundan fərqli olaraq daha yavaş toxunub, üzündəki heyrəti mülayimlik ilə əvəzlədi.
-Mənə demişdilər sənə balaca qız alıblar ,bu ki əsil xanımdır.- Yaşar onun dediklərinə əmin olmaq istəyirmiş kimi Bahara