da o, susur,qulaq asmağa davam edirdi.
-Başa düş ki, sən onu sevmirsən artıq! Onun etdiyindən sonra belə "mənə görə oldu" deyib, yalandan özünü günahlandırmaqla nə əldə edirsən, Yaşar?- Cavidanın gözləri Yaşara ,Yaşarın gözləri qırağa tuşlanmışdı.
-Sən sevirdin ,bu başqa , amma indi sevmirsən! Nifrəti sevgi deyə qələmə verməyi burax artıq! Nuray mənə qarşı bunu etsə də, mən onun kimi alçaq olmayacam ,bununla da artıq dünyada olmayan birinə vicdan əzabı yaşadacam deyərək bütün ömrünü yaşaya bilməzsən! Qurtar artıq! -bir neçə saniyəlik sükut, Cavidan soyumuş qəhvəsindən bir qurtum aldı və xoş olmayan acı , zəhər kimi dadı qırtlağından aşağı doğru güclə sürüşdürdü.
-Nə isə ,bura sənə ləksiya oxumaq üçün gəlməmişdim.
-Amma elə oldu.
İkisi də bir anda susdu. Bir anlıq söhbətin artıq bitdiyini düşünən Yaşar , Cavidan yenidən dilə gələndə dərin köks ötürmüşdü.
-Sən bircə dəfə öz həyat yoldaşına qadın olaraq baxsaydın, bircə dəfə artıq 18-ini keçən qıza balaca qızcığaz kimi deyil, hissləri olan , ərinə hər gün bir az daha bağlanan qadın olaraq nəzər yetirsəydin indi mən burada sənə dastanlar danışmalı olmazdım. Dedim axı, sən axmaqsan və sənə nəyisə başa salmasan tərsliyinə salıb sona qədər də boynuna almayacaqsan. Düzü sonuna qədər də Baharı qadın olaraq görməyəcəyinə ümid edirdim ,çünki bununla mənə yol açılmış olardı. Heç elə baxma mənə, sanki siz əsl ər-arvad imişsiniz kimi aparma özünü. Bu cür artistlik etməyin yersizdir. Mən həyatımda bir dəfə də evli olmamışam, amma dəfələrlə qadınların hansı hisslərlə yatağımdan ayrıldığının şahidiyəm. Bahar bircə dəfə də olsa səninlə intim münasibətdə olsaydı , sənə sevdiyi oğlana ərə getmək istəyən qızlar kimi baxmazdı heç vaxt. Bu, mənə nə qədər pis təsir etsə də onun gözlərindən oxuyuram ,hər gün özü də bilmədən səni necə arzuladığını görə bilirəm.- Yaşar mütəəssir halda diqqət və heyrətlə Cavidana qulaq asırdı. Bu adam necə bu qədər çox şey bilə bilirdi axı? Heyrətamiz idi həqiqətən, o ,dostuna heyran qalmışdı həmin bu