u an.
-Əgər həmin toy günündən sonrakı gün Mariya mənə "Cavidan qısqandığımı düşünmə ,amma sən özün də məndən yaxşı görürsən ki, Bahar sənə heç fikir də vermir, heç verməyəcək də , ta ki, Yaşar ilə onun arasında hər şey bitməyincəyə qədər. Bu, da çətin baş verə. Çünki Yaşar özü də qızdan geri qalmır. Sən Baharla rəqs edərkən onun sizə necə baxdığını öz gözlərimlə gördüm və and olsun Allaha ki, məni heç nə ilə inandıra bilməzsən ki, onun ürəyində Bahara qarşı hiss yoxdur." deməsəydi ,indi burada sənə bu sözləri heç vaxt deməzdim .Mən zamanla sənin özünün Bahardan uzaqlaşacağın günü gözləyib dərhal onun qarşısında , əlim ürəyimdə diz çökər ,mənə ərə gəlməsini istəyərdim. Amma heyhat, çox təəssüf, bu artıq mümkünsüzdür. Mənim axmaq dostum, sən artıq çıxa bilməyəcəyin tora daxil olmuşam , qanadlarını da boşuna yorma , sən çırpdıqca onlar qırılacaq.
Yaşar ağzına su alıb oturmuşdu. Səbirlə , maraqla dostuna qulaq asdı, fəqət bircə dəfə də olsa təsdiqləmədi və onun haqlı olduğunu boynuna almadı. Nə də ki, etiraz etmədi.Necə reaksiya verməli idi axı? O, heç özü də xəbəri olmayan hisslərindən Cavidan tərəfindən xəbərdar edilirdi.
Soyumuş qəhvə dadı verən söhbətdən sonra ikisi də qəbristanlıq sükutu ilə susdu. Yalnız avtomobillərini saxladıqları yerə çatanda artıq maşınının qapısını açan Cavidan oturmamışdan əvvəl sanki, "tez deyim qaçım" fikiri ilə ayaq saxladı və açarını axtaran Yaşara müraciət etdi.
-Yaşar mən geri çəkilirəm...Amma bircə dəfə belə olsa ,hətta azacıq da olsa mən Baharın xoşbəxt olmadığını hiss etsəm, günah məndən getdi dostum. Bağışla məni, amma o, qız onun sevgisini bu qədər tapdalayan insana qətiyyən layiq deyil, o hər şeyin ən yaxşısına layiqdir və mən ona hər şeyin ən yaxşısını verə bilərəm, əgər sən verməsən ,- sözünü bitirər ,bitirməz Cavidan maşına minib , oradan uzaqlaşdı. Yaşar isə hələ bir neçə saniyə ayaq üstə dayanıb, daha sonra maşında dəqiqələr ilə fikir edib, evə