ə evə tıxılıb qalan həyat yoldaşının maraqları ilə üst-üstə düşəcək bu kurs söhbətini o, özü açmadı? Axı ,indi bu təklifi ilk edən olmaq və Baharın gözlərindəki sevincin səbəbinə çevrilmək onun üçün heç də adi məsələlərdən deyildi, elə deyilmi? Yaşar heç nə demədi, mövzuya fikir bildirmədi və yeməyini qarışqa cəldliyi ilə ,özünə görə gec, hamıya görə tez bitirib ,ayağa qalxdı. Bu tezlik nə Cavidana ,nə də yenicə iş sevdasına düşmüş Bahara görə xoş deyildi, ikisi də susdu yenə. Cavidan "dostlarını" qarşıladığı kimi də qəribə şəkildə yola saldı. Yaşarla bir neçə zarafat və göz bəbəklərini onun üzünə tərəf çevirmək lütfünü Cavidana heç cür göstərməyən Bahara Yaşarın gözündən qaçmayacaq şəkildə arada-bir nəzər salmaq və bununla da hər ikisinə lazımı qonaqpərvərliyi göstərmək missiyası başa çatmışdı.
Maşına mindikdən sonra Bahar da , Yaşar da içəridə tək imişlər kimi özlərini aparırdılar. Bu artıq adət halını alsa da Yaşar oyuncağı çox olan uşağın yeni oyuncağına olan həvəsi itmiş kimi yorulmağa başlamışdı. Bahar isə qətiyyən bezəcək oyuncaqlardan deyildi, bu zamana qədər onunla "oynamaq" imkanı olmayan Yaşar özünü Nuray adlı koloniyada nə qədər saxlamağa çalışsa da bəzi hisslərin ona üstün gəldiyini boynuna almaq zamanı gəlmişdi. Məsələn , Baharın bir gecə bundan öncə yuxuda adını sayıqladığı Sənan kim idi? Qəribəsi bilirsiz hə, nədir? Həmin gecədən sonra dünən axşam onlarla hadisə baş vermiş , Yaşar özü adını bir daha çəkərək Baharda maraq oyatdığı Nurayı yenə xatırladığı halda ,bütün bunlar əhəmiyyətsiz imiş kimi o, ömründə bircə dəfə eşitdiyi ( bu adla başqa tanıdığı biri olmadığı üçün) adamın kim olduğunu bilmək yanğısını söndürə bilmirdi.
Bahar nə düşünürdü? Gülməlidir ,amma Bahar da fərqli xəyallar içində dolaşmırdı, Cavidangildən çıxana qədər onu maraqlı təklif düşüncələri əhatələmişdisə də indi beynində Nuray adlı musiqi bas ilə ifa olunurdu.
Cavidanın evindən elədə uzaqda olmayan evlərinə çatmaqlarına 5 dəqiqə qalmış Yaşarın gözləri Baharın dabanlarına