u görünürdü. "İlahi!" , Yaşar yaxınlaşmağa başlayırdı. Bahar ərinin ona çatmasına az qaldığını hiss edəndə ani hərəkətlə yorğanın altına girdi. Onun bu hərəkəti o qədər gülməli görünürdü ki, Yaşar təbəssümlə əyilməyə başlayan dodaqlarına sahib çıxa bilmədi , amma bir neçə saniyə sonra dərhal ciddiliyini bərpa etməyə çalışdı.
-Bahar,- Yaşarın çağırışı cavabsız qaldı.
-Bahar, bilirəm ki, yatmamısan,- bu dəfə onun səsi bir ton yuxarı idi, buna baxmayaraq qarşı tərəfdən səs gəlmirdi. "Tanrım ,axı o, niyə belə edir, məqsədi məni dəli etməkdirmi?" - Baharın qaşları çatılmış, gözləri sıx-sıx bir-birinə qapanmış, kiçik əlləri yorğanı bark-bərk sinəsinə sıxırdı.
-Bahar ,ayağa qalx və hamama keç, mən səni yeməyəcəm.
"Hə, əşşi, yeməyəcəksən , amma gözlərinlə əzəcəksən, nəfəsimi də görünüşün ilə kəsəcəksən."
Bahar tükünü də tərpətmədi.
"Bəlkə gedər? Bəlkə cavab vermədiyimi görüb, əl çəkər?"
Amma yox, Yaşar belə tez geri çəkilməyi düşünmürdü. Bundan sonra o, öz haqlarını bəlli etmək qərarı vermişdi, həm bu otaqda ,həm qıraqda, həm də hamıya.
-Bahar , belə geyimdə yatmaq narahatdır. Dur ayağa və əynini dəyiş.
Bu, insan nə etmək fikrində idi ki? O, nə vaxtdan bu qədər açıq şəkildə geyim dəyişmək haqqında Bahar ilə danışmağa başlamışdı axı? Yaşarı bir gün ərzində dəyişib, tamam başqa birini əvəzinə gətirmişdilər və bu onsuz həssas olan Baharın sevgi hormonlarının səhhəti üçün heç də yaxşı deyildi.
-Belə oldu? - Yaşar bu oyunu çox bəyənmişdi və gözlədiyinin əksinə o, Baharla belə istehzayla davranmaqdan yetərincə zövq alırdı.Yaşar bir neçə addım arxaya doğru atdı və bunu elə şəkildə etdi ki, Bahar eşitsin. Aradan 30 saniyəyə yaxın vaxt keçirdi, Bahar içində öldürə bilmədiyi maraqla gözlərini yavaş-yavaş açdı və başını astaca arxaya doğru çevirdi. Aldanmamalı idi, qətiyyən, qətiyyən! Yaşar dodağının bir tərəfini çox böyük zövqlə qulağına tərəf aparmışdı artıq.
"Allahım!" -Bahar alt dodağını dişlədi, gözlərini yumdu. Yaşarın addım səslərini eşidirdi və bu bir neçə addım