Eşq "Pərvanə"si (Real)

Bölüm 15...

Çox vaxt həyatda səhv edərək bizə dəyərli olanları itiririk. Yadların xoşuna gəlməyə çalışarkən, doğmalara yad düşürük... Bizə layiq olmayanları bəzən ucaldır, ən sadiqlərə isə arxa dönürük... Bizi ən çox sevənlərin qəlbinə dəyir, özümüz isə üzrxahlıq gözləyirik.... Ömər Xəyyam ... *** Həyat adlı səhnədə hərə öz rolunu bir cür oynayırdı. Kimisi mükəmməl artistlik qabliyyətinə sahibkən, başqa birisi gələcək bölümdə onu nələr gözlədiyindən xəbərsiz idi... Məsələn, Günelin gözyaşları Raufun olmayan vicdanını sizlatdığı halda, Pərvanənin göz yaşları ona timsah göz yaşları kimi saxta görsənirdi... Günel Raufla bir an əvvəl əlaqələri kəsməyi planlarkən, Rauf onunla olmayacaq gələcəyini qururdu... Bəsti oğlunun onları bu vəziyyətdən çıxaracağına ümid bəslərkən, başına gələcəklərdən xəbərsiz idi... Əziz Nesin "Qırdığın qəlbin sahibinə yaxşı bax! Yolun mütləq ona düşəcəkdir!" deyir... Rauf aldığı ahın ağırlığını hələ dərk etmirdi... O, Pərvanənin gözünün yaşına baxmadan, qırıb hissələrə ayırdığı həmin dənizkənarı parkda Güneli ovudub, sakitləşdirməyə çalışırdı... Sakitləşdikdən sonra Günel öncə: - Məni evə apar desə də sonra yenidən Raufun maşını olmadığını xatırlamışdı. Rauf Güneli daha çox incitməmək üçün onu taksi ilə evə ötürmüş və sağollaşanda: - Bir az səbr et, hər şey yaxşı olacaq deyərək Günelin dodaqlarından öpmüşdü... Günel soyuq baxışlarla ona baxıb ilk dəfə olaraq ona qarşılıq verməmişdi... Rauf Günelin tez tələsik sağollaşaraq evlərinin qapısını onun üzünə bağladığında, bu gündən etibarən həyatının qapısının da onun üzünə bağlandığından xəbərsiz idi... *** Rəna xanım hazırlaşıb iş görüşü üçün evdən çıxmışdı... Pərvanə Ləmandan Nəzrin gəldiyi zaman bir az onları yalnız buraxmağını xahiş etmişdi. Çox keçmədən Nəzrin də gəlib çıxmışdı. İçəri girib Ləman ilə öpüşüb görüşsə də, Pərvanə onunla görüşməmişdi. Pərvanənin: - Xəstəyəm, görüşməyək - deməyi xətrinə dəysə də bunu biruzə verməməyə çalışmışdı... Pərvanə yataqdan