pilləkənlərdə bir neçə saniyə stop etdi. Bu gün Baharı evə taksi ilə yollasa da gps vasitəsi ilə bütün yolu həyat yoldaşını izləmişdi. Əlbətdə , bütün bunlardan ,əslində bunu edərkən Yaşarın nə qədər əzab çəkdiyindən Bahar tamamilə xəbərsiz idi. Haradan biləydi ki, əri ona görə necə narahatdır və birlikdə getməyi öyrəşdiyi hər günkü yolculuqları bir gün də olsa qaçırmaq onun üçün çox çətin idi? Bahar gözlərini yumsa da yatmırdı və Yaşarın gəlişini eşidirdi. Onun yatmadığı Yaşarın ağlına da gəlməzdi ,çünki o, arvadının hər gecə onu izlədiyindən xəbərsiz idi və elə bilirdi ki, Bahar saat 11-i keçən kimi dərin yuxuya gedir. Yaşar yatağın bir qırağında əyləşdi və bir neçə dəqiqə hansını ki, ərinin ona yaxın olduğu halda özünü yatmış kimi qələmə vermək Bahar üçün çətin idi, o, gözlərini qızdan çəkmədi. Bahar ürəyində tanrıya yalvarırdı ki, elə indi Yaşar ayağa qalxsın yoxsa o, dözə bilməyib gözlərini açacaq. Tanrı çox zaman olduğu kimi onu eşitməməzlikdən gəldi, lakin şeytan öz işini yaxşı görürdü. Yaşar iblis ilə sözləşmiş kimi əlini qaldırıb Baharın yumşaq yanağına toxundurdu. Bahar sağ tərəfi üstə ,üzü Yaşara tərəf uzanmışdı.O, balıncın altına saldığı əlini sıxdı və Yaşarın bunu görmədiyinə görə şükür etməyi unutmadı. Yaşar əlinin üstü ilə onun yanağından aşağı doğru enirdi. Nə olar, tez bitsin bu işgəncə və Bahar tezləşməyə başlayan nəfəsini rahat ala bilsin. Ürəyinin döyüntüsünü balınca qoyduğu qulağında eşidirdi və başa düşürdü , başa düşürdü ki, bütün bunlar ona sevdiyi insandan qorxduğunu göstərir, qışqırır və o, artıq bu səsləri, bu çağırışları qulaqardına vura bilmirdi.Yaşar bu dəfə onun yalvarışlarını eşitmiş kimi əlini Baharın üzündən çəkdi və ayağa qalxdı. Bahar gözlərini açanda o, qapıdan çıxırdı artıq. Yaşarı ilk dəfə idi belə görürdü.Başını aşağı etmiş, asta addımlar ilə , uduzduğunu boynuna alan idmançılar kimi çıxırdı. Baharın gözləri doldu, o, hər şeyi unudub Yaşara təslim olmağı hər şeydən çox istəyirdi, fəqət həm öz hisslərindən qorxur, həm də