a çalışıb, uğursuzluğa düçar olduğu söhbətlər ilə gedərkən Yaşar ancaq bir şeyi fikirləşirdi, görəsən , İsgəndər kişi Sənanı tanıyırdımı? Görəsən, o, qızının başqasını sevdiyini bilə-bilə onu məcbur etmişdi evliliyə? Ən əsası da niyə indi Yaşar bütün bunlara görə qınamaq istədiyi halda, Baharla tanışlıqlarına səbəb olduğu üçün istər-istəməz İsgəndər kişiyə pis davrana bilmirdi? Təbii, 18 yaşında qızın həyatını məhv edən valideynə hörmət də bir o qədər yaxşı gəlmirdi əlindən ,sadəcə süni ehtiram var idi danışığında, baxışında.
Eyni hisləri onun qızı da İsgəndər kişiyə qarşı keçirirdi, neçə ay sonra onu qarşısında gördüyündə .Buna baxmayaraq , atasına sarılmaq üçün heç nə onu dayandıra bilmədi. Bahar atasının qoynuna sarılıb, göz yaşlarına boğuldu. Bu, səhnələri Yaşar və Fateh hər biri ayrı hislər ilə izləyir və dinmirdilər. Yaşar Baharın göz yaşlarına dözə bilmədiyini çox gözəl anlayır, Fateh üzündəki narın təbəssümü gizlətmirdi.
-Yaxşı, gözəl qızım, yaxşı,- İsgəndər kişi mızıldandı və qızını özündən ayırdı. Bahar maşın tərəfə boylandı və islaq gözlərini atasına ünvanladı.
-Anam haradadır?
-Heç soruşma qızım, -deyə İsgəndər qızının arxasında dayanan dostuna baxdı.- Şəbnəm xanım dünən gecədən bəri yaman bərk xəstələnib. Özü də gəlməyi çox istəyirdi, amma səhər öskürək sinəsini cırır, heç cür ayağa qalxmağa imkan vermirdi.
Yaşar həyat yoldaşının üzündəki təlaşı görəndə bu qədər ciddi və üzücü xəbəri hopdan deyən İsgəndər kişiyə bir daha əsəbiləşdi.Baharın dodaqları titrəyir, gözlərindəki fəryad və qaçış istəyi sönmək bilmirdi. İmkan versə idilər ,elə indicə qaçıb ,anasının yanına gedərdi. O, Baharın hər gün ən azı bir dəfə telefonda anasıyla əlaqə saxladığını çox yaxşı bilirdi, özü bir neçə dəfə bunun şahidi olmuşdu.İndi də hələ dünən danışıb, gələcəyinə əmin olduğu anası haqqında belə xəbər almaq bir tanrı bilir necə təsir etmişdi yazıq qızcığaza.
Yemək zamanı İsgəndər kişi Fatehin bütün səylərinə baxmayaraq , yalnız bir gecə qalıb ,səhər olan kimi gedəcəyi