narahat idi və Yuliya sözləri ilə bu münasibətin təməlində əksiklik olduğunu bildirib, çox şey deyirdi deyə, içindəki zəhərli sarmaşıqlar onu boğurdu.
-Məncə elə möhkəmlik üçün uşaq mütləqdir, - Fateh adəti üzrə Yuliyaya qarşı çıxdı və arvadına söz demək istəyən göz-qaşı əsəblə oynadı.
-Bəsdirin daha, - ən çox bu söhbətlərin Bahara təsir etdiyini və bununla ona 1 illik fiktiv evliliklerini xatırlatdığını bilən Yaşar səbr kasasını aşırdı.- Belə söhbətlərin yeri deyil. İsgəndər müəllim,- ona müraciət olunduğunu bilsə də "müəllim" sözü ilə xeyli mütəəssir olan İsgəndər kişi kürəkəninə maraqla baxdı.
-Bahar sabah sizinlə birlikdə kəndə getmək istəyir, məlum anası xəstədir və ona baş çəksə yaxşı olar.
-Hə, əlbətdə.
-İndi isə icazənizlə.
Yaşar ayağa qalxdı və təəccüblə onu izləyən ailə üzvlərinin qarşısında heç utanmadan Baharın əlindən tutub,- Gedək?- verdiyi suala cavab almadan onu öz arxasınca apardı. Bahar qeyri-ixtiyari halda hamıya ümumi "Gecəniz xeyrə" deyib, ərinin arxasınca düşmüşdü.
Onlar otağa keçəndə Bahar gözlərini Yaşardan çəkmir və onun hər hərəkətini izləyərək ,suallarına cavab axtaran tələbə kimi müəllimini gözdən qoymurdu.Hə, Yaşar razılıq vermişdi ,ancaq bütün cismi ilə onun getməməsini istəyir və nə qədər bunu gizlətməyə çalışsa da göstərmədən edə bilmirdi.
-Əgər... İstəyirsizsə mən getməyə bilərəm, - sabah nə geyinəcəyini seçirmiş kimi dolaba boş nəzərlər ilə baxan Yaşar anidən "Hə, getmə!" deyəcəyini düşünsə də özünü toxtaq tutmağı bacardı.
-Bahar, biz qərar verdik. Həm mən sənə demişdim, nə isə istəyirsənsə onu da et, məndən soruşma. Sən özün də həmişə mənə sənin üzərində haqqım olmadığını göstərirsən ,bu suallar nəyə gərəkdir ?
-Niyə mənə əsəbisiniz?
-Elə deyil.
-Elədir, - Bahar sərt şəkildə etiraz etdi. Onun bu davranışına qarşı təəccüb Yaşarın simasında özünü biruzə vermişdi .
-Bahar ...
-Yox, qulaq asın.
-İstəmirəm!
-Mən isə danışmaq istəyirəm!- Yaşar susdu, Bahar da susdu ,amma sadəcə bir neçə saniyəlik, o da udqunmaq