q üçün.
-Siz yeni başlanğıc istəyirsiz, amma nə mən sizin haqqınızda hər şeyi bilirəm, nə də siz mənim haqqımda, - Bahar nə isə günah iş görübmüş kimi başını endirdi, sözlər paslı açar kimi Yaşarın ürəyinin kilidinə salıb, çıxarıldı.
-Biz tamam başqa dünyanın insanları idik və ailələrimiz bu, iki dünyanın birləşə biləcəyini düşünüb evliliyə bizi məcbur etdilər. Nə siz istəyirsiz bu evliliyi, nə mən. Ona görə mən, siz sadəcə 1 il dözmək lazım olduğunu deyəndə razılaşdım.
Ax, yenə xatırlatdı, yenə çəkdi üzünə həmin o, silləni və Yaşarın ciyərini parçaladı. Haqlı idi, dibinə qədər, hər sözü ilə ,hər kəlməsi ilə, hər zaman olduğu kimi , amma yenə incidirdi, yenə toxunurdu bu sözlər ona.
-Bilmirəm ,siz mənə özünüz haqqında mənim bilmədiyim nəyisə danışmaq istəyirsiz ya yox, ancaq mən istəyirəm ki, siz biləsiz. Əgər, bildikdən sonra da mənimlə yeni başlanğıc istəsəz ...- Bahar dərin bir nəfəsi içinə çəkdi , bütün varlığını toparladı və düz Yaşarın üzünə baxdı.
-O zaman mən də düşünmədən razıyam, - Yaşarın dodaqları azcıq aralanmış , otaqda günəşin batması ilə müşahidə olunan qaranlıqda gözləri parlayırdı. Bildiyi tək şey Bahar ona nə etiraf edəcəksə etsin,(hər halda Yaşar az da olsa onun nə deyəcəyindən xəbərdar idi) Yaşar onu iri açılmış qollar ilə gözləyir, həm də səbirsiz, bütün sevgisi, bütün