Bölüm 18

Bahar arxaya doğru getdi; bu bir insanın ona edilən təklifdən imtinasına bənzəyirdi. Yaşar daha bir simin çox acı ilə səs saldığını hiss etdi. Əlləri boşaldı və nədənsə Baharın təəccüblü baxışlarının müşaiyətiylə aşağı endi. Az öncəki mülayimlikdən, eyni zamanda elə buradaca hər şeyin həll olunası arzusunun verdiyi sevincdən əsər-əlamət qalmadı.
-Olsun, - deyə Baharın eşitdiyi halda da pıçıltıyla ,sanki özü-özünə danışırmış kimi dediyi söz son oldu. O, Baharı qonaq otağında tək qoyub, yenə getdi. Bu dəfə sadəcə maşınına mindi və saatlarla ,evdə qalmaq üçün başqa otaq yox imiş kimi orada qaldı.
İki gecə ard-arda baş verənlər Yaşarla Baharın simasında öz əksini tapırdı deyə Yuliya da, Fateh də hər şeyi gözəl görə bilirdilər. Ölü sükut bu evin qənimi idi elə bil. Heç kim danışmır ,üstəlik gənclər bir-birlərinin üzünə belə baxmırdı deyə qablara dəyən çəngəl-biçaq səsi səngimək bilmirdi.
-Saat 9-da qatar gələcək,- Fateh kiçik qol saatına nəzər yetirdi və üzünə baxmadığı halda oğlunun onu eşitdiyini bilərək bir başa söhbətin canına keçmək qərarına gəldi.- Sən gedəcəksən İsgəndərgili gətirməyə ,yoxsa mən gedim?
-Özüm gedəcəm, -Yaşar əmri qəbul edən əsgərlər kimi ayağa qalxıb stulun başındakı pencəyini çıxardı və yola düşdü. Bahar həyəcan və narahatlıq əks olunan gözlərini qapıdan çıxan Yaşarı hələ də görürmüş kimi uzaqlara dikərkən, Yuliya gəlininin üzünə bunu vurmağa tələsdi.
-Narahat olma geri qayıdacaq.
Fateh həyat yoldaşına daha çox irəli getməməsi üçün xəbərdarlıq baxışı atsa da, Yuliya onu görmürdü.
-Sən elə bil Yaşarı bir anlıq gözündən qoymaq istəmirsən. Oğlumuzu görməz olmuşuq ,sayəndə. Səninlə hər yerə gedir, gəlir, evə qayıdan kimi də otağına tələsir. Çoxu demişdi ki, yeni gəlin onu sizdən uzaqlaşdıracaq, inanmamışdım. Əl-əxsus ,əgər bu kənddən gəlmiş gəlindirsə ,- dodağının sağ ucu kinayəyələ əyildi.
Bahar başını aşağı endirmiş, bir kəlmə belə etmirdi. Yuliyanın fikrini dəyişmək üçün hər hansısa çaba göstərmək mənasız idi, bunu o, yaxşı