r başqasının xatırlatmasından gözəl nə ola bilərdi ki? Gətirilən çayı onun əlindən alarkən Baharın əlinə toxunan Yaşarın yanakı gülüşü Baharı dəli edirdi. Nə olmuşdu yenə bu adama, ilahi? Yaşar Şəbnəm xanımla hər şey haqqında danışdı; öz işi, evləri, atası ,anası , dostları , çətinlikləri və s, və i. Şəbnəm xanım da öz sırasında Yaşara heç vaxt agah olmadığı kənd həyatından və öz çətinliklərindən söhbət etdi. Bütün bunları mətbəxdə iş görən Bahar üzündə xoş təbəssümlə dinləyir və özündən asılı olmayaraq Yaşarın gəlişinə sevinirdi.Axşam işdən gəlib Yaşarı və evdəki ab-havanı görən İsgəndər kişi də təəccüb içərisində idi, lakin o da bir az sonra bu, gözlənilməz qonağı sevdi, onunla lap Fatehlə olduğu kimi içdən söhbətlər edərkən özü də nə baş verdiyini və Yuliya tərəfindən tərbiyə edilən bu insanın necə bu qədər istiqanlı ola biləcəyini cavabı olmayan tapmaca kimi açmağa çalışırdı.Baharın hazırladığı kənd çolpasından şorbanın ətri bütün evi bürüdü. Şəbnəm xanım edilən məsləhət və qarşıdurmalara baxmayaraq süfrəni hazırlayıb, qızına ən azından belə kömək olmağa çalışdı. Bu, ev Baharın əli dəyən yeməklər üçün çox darıxmışdı. Anası bir ay öncə biləndə ki, qızı aşbazlığı öyrənir çox sevinmişdi və Yaşara ürəyində minnətdarlıq etmişdi, indi isə bu təşəkkürlər onun üzünə deyilirdi. İsgəndər kişinin də üzündən təbəssüm əksik olmurdu. Bahar onun üçün sevinən atasına, anasına və bunlara səbəb olub, ürəyində özünə qarşı daha çox sevgi artıran ərinə baxır, içinə çökən rahatlıq ilə sinədolusu nəfəs alırdı. Bahar gah özü-özünü qısqanır, belə ailəyə sahib olub da , xoşbəxt ola bilməməyinə görə zəqquma dönən sevincini qursağında boğurdu.
Bahar mətbəxdə qab yumaqla məşğul ikən, İsgəndər Yaşara əsl domino dərsi keçir və hər uduşda əlini əlinə vurub bərkdən qəhqəhə çəkirdi. Bu arada Şəbnəm xanım Baharın gedişindən bəri boş qalan otağını sevimli ər-arvad üçün hazır etdi. Yaşar heç saat 10 olmadan artıq yatmaq zamanının gəldiyini və kənd yerində hər zaman ,hətta o, gəlmədən öncə də