m oyuncaqsan? Ya yiyəsizsən? deyə telefonu əlinə alaraq mənim razılıq verməmi gözləyirdi... - Yox ana, lazım deyil! Mən də, Cavidan da onun cavabını verdik. İnanmıram bundan belə bir daha qarşımıza çıxa deyərək anamı sakitləşdirmişdim. *** Cavidan evə çatıb mənə zəng etmək əvəzinə mesaj yazmışdı. Mesajın gəlməyinə sevinsəm də, açıb oxuduqdan sonra üzülmüşdum... - Pərim, gözəl Pərim... Sənə olan hisslərimi nə qədər ört basdır etmək istəsəm də, sən buna imkan vermədin. Əslində sənə gördüyüm ilk gündən vurulmuşam... Get gedə sənə olan sevgim artdıqca mən daha da qorxurdum. Sən bilirsən mən bu yaşıma kimi heç kimi sevməmişəm... Amma sənə olan hisslərim hər şeyin üstündən xətt çəkir. Bilirsən mən sənə bu pisliyi edə bilmərəm. Sən xoşbəxt olmağa layiqsən. Mən səni xoşbəxt edə bilmərəm Pəri! Mesajı dəfələrlə oxuyub bir şey anlamağa çalışsam da heç nə anlamırdım. Axı bu nə demək idi? Məni sevir, amma eyni zamanda da geri çəkilmək istəyir... Biraz düşündükdən sonra: - Niyə axı? Niyə? Səbəb nədir? Əgər ikimiz də bir-birimizi seviriksə sənin qarşını alan nədir? Bizim yolumuzu kəsən nədir və ya kimdir? deyə yazıb göndərmişdim. - Bu günün sehrini pozmaq istəmirəm Pəri. Bu haqda görüşəndə danışarıq. Olar? - Yaxşı... Amma sabah görüşək və danışaq. Yaxşımı? - Yaxşı... Gecən xeyrə... - Səni sevirəm... Gecən xeyrə... Telefonu kənara qoyub yerimə uzanaraq bu günki günü başdan sona gözümün önündən keçirmişdim. Barmaqlarımı dodaqlarıma apararaq bu günki öpüşümüzü xatırlayıb təbəssüm etmişdim... Olanlara inan bilmirdim. Mənə əlçatmaz kimi görünən Cavidanla bu gün ilk öpüşümüzü yaşamışdıq... Artıq əmin idim, o da məni sevirdi... Bəs görəsən onun qarşısını alan nə idi? *** Bu səhər hər günki səhərlərimdən fərqli oyanmışdım. Elə gecəm də çox gözəl keçmişdi. O qədərdə gözəl, hüzurlu yatmışdım ki, bəlkə də son bir neçə ildə bu qədər rahat yatmamışdim.... Həm bu gün iş çıxışı Cavidanla görüşüb danışacaqdıq. Ümid edirdim ki, bu gün bütün sirlər açılacaq, problemlər öz həllini tapacaqdı. İşə