ə deyəcəkdi? Yaşar nə deyəcəkdi? Yaşar nə hiss edəcəkdi? İndi onu ərindən başqa heç nə maraqlandırmırdı. İndi Bahar sadəcə Yaşar üçün narahat olurdu, onun adını eşidəndə qəlbi titrəyirdi, Sənan isə onun nifrətinə də sahib ola bilməyəcək qədər önəmsiz birinə çevrilmişdi. Bahar bilmirdi Sənan nə üçün Murad kişi ilə dava edib və evdən çıxıb, o, bilmirdi ki, bu davanın səbəbi məhz özü idi, o ,qətiyyən bilmirdi ki, onun bütün əzablarına səbəb Murad kişinin yalanı idi, Sənan isə ona qarşı oynanılan oyunda sadəcə piyada rolundaydı. Bütün bunlar artıq heç bir önəm də daşımırdı axı. İndi Bahar üçün bunların fərqi də yox idi, indi Bahar bilsəydi də gec idi, çünki o, Sənan adını, üzərində heç nə olmayan boş divarda yazıb , daha sonra silgi ilə silmişdi, üzərindən Yaşar adlı başqa rəngi də çəkmişdi, həmin rəng artıq qurumuşdu, özünə yer də etmişdi. Bahar onun saçlarını sığallayan ərinə baxır, gözləri ilə ona qarşılıq verir və sevdiyini nəzərləri ilə göstərmək üçün əlindən gələni edirdi.
-Mən hələ çox gənc idim, Bahar, - Baharın sevgi dolu baxışları təəccüblə qarışdı. Yaşar da gözlərini onun sığalladığı saçlarından çəkib gözlərinə tuşladı , əlini isə çiyninə doğru endirib , Baharı özünə tərəf bir az daha çəkdi.
- 6 il bundan öncə Nurayı ilk dəfə gördüyümdə hələ çox gənc idim. 23 yaşım var idi Bahar, cəmi 23. Universiteti yenicə bitirmiş, atama işlərində kömək ola bilmək üçün onunla şirkətdə işləməyə başlamışdım. Təsəvvür edirsən necə xoşbəxt idim?
Bahar qətiyyən heç nəyi təsəvvür edə bilmirdi. Nə gənc olan Yaşarı, nə də onun indiki xasiyyətindən tamamilə fərqlənən saf, şən halını, qətiyyən heç nəyi. Bircə bildiyi bir şey var idi: Yaşar ona bunları danışmaqla ancaq bir şeyi güdür; Baharın da aradakı buzları əritməkdə ona kömək edəcəyini.
- Nuray mənim işə qəbul etmək üçün qarşısında müdir olaraq oturduğum ilk nümayəndə idi. Heç vaxt unutmaram: mən ona həyəcanlanmaması üçün dəstək olmalı olduğum halda ,21 yaşında , universitetin son kurs tələbəsi və valideynlərini gənc