n ayrılmasını və uşağımızın olmasını istəyirdim , hətta zaman ötdükcə ondan tələb etməyə başlayırdım. Evdən gedəndə atama ona möhtac olmayacağımı dediyim üçün də, indi ona işləmək mənə çətin gəlir və bir az daha əsəbiləşdirirdi deyə hər gün Nuraya üzərinə tökürdüm neqativimi. Bu gərginlik bir neçə ay davam etdi, daha sonra mən düşündüm ki, hər şey yoluna düşüb, lakin yanılmışdım. O qədər çox işləyirdim ki, hər gecə evə gəlib ayaqqabı ilə yatırdım, səhər duranda Nuray artıq işə getmiş olurdu. Hərdən tək qalanda şikayətlənmək istəsə də, imkan vermirdim, özümü eşitməməzliyə vurur, hətta evdə də iş görürdüm.Aylarla belə davam etdi, daha sonra Nurayın məndən qaçdığını hiss etdim. Əvvəlcə önəm vermir, elə bilirdim sadəcə küskünlük edir ki, onun üçün nə isə alım. Hər gecə işdən əlimdə gül, bahalı hədiyyələr ilə qayıtsam da ,qarşılığında sadəcə süni təbəssüm gözləyirdi məni. Arada bir göstərməyə çalışdığım yaxınlıq Nurayın yatmaq istəyiylə yarım qoyulurdu. Daha bir neçə ay və evliliyimizin 3-cu ilinə yaxınlaşırdıq . Artıq uşaq istəyini daha tez-tez onun yadına salır, hər dəfə Nuraya eyhamlar vurur, hər gecə yaxınlığa cəhd edirdim, amma qarşı tərəfdən ikrah hiss etməyə başlayırdım.
Bahar udqundu; gözünün qarşısından bütün bu danışılanlar bir-bir gəlib keçdi. Yaşara eyni hisləri yenidən yaşatdığı üçün özünə və Sənana min bir lənət oxudu, elə indicə özünün də bu yaxınlığa nə qədər ehtiyacı olduğunu deməyə tələsdi , amma bu istəyi içində boğdu, öldürdü və basdırdı, lakin üzərinə gül qoymadı.
- 3 il öncə aşiq olub, düşünmədən evləndiyim qadın deyildi artıq həyatımdakı, yatağımdakı o qadın. Heç nə demir , məni dindirmir, hətta üzümə də baxmırdı. Bir gün gecə evə gələndə qorxduğum həmin səhnə ilə qarşılaşdım. Nuray mənə bir söz demədən ,bir kəlmə də olsun izah etmədən evi tərk etmişdi. Mənimlə ona aid olan bütün əşyalar evdə işi, lakin özünə aid olan hər şeyi izini, tozunu belə qoymadan alıb aparmışdı. Harada olduğunu araşdırmağa belə cəhd etməyə macal tapmadan cəmi bir ay