müvəffəqiyyətlə sonlanmışdı... Cavidan bir müddət toparlanıb özünə gəldikdən sonra yenidən ilk getdiyimiz həkimin yanına getmişdik. Müayinə və qan təhlillərindən sonra bizə bir müddət zaman vermiş və:
- Gedin bir müddət özünüz sınayın! Oldu oldu, olmadı yenidən yanıma gələrsiz deyərək bizə normal yolla hamilə qalmaq üçün şans vermişdi... Amma əfsuslar olsun ki, aradan keçən 6 ay müddətində mən hamilə qala bilməmişdim. Cavidan artıq ümidini itirməyə başlamışdı. Amma mən, mən çox ümidli idim. Hər gün Allaha yalvarıb, bizə də övlad verməsi üçün dua edirdim. İnanırdım ki, bir gün Allah mənim də səsimi eşidəcək...

Bu gün yenə həkim qəbulunda idik. Cavidan qəmgin halda:
- Olmadı həkim! Mən olacaq deyə çox umidlənmişdim. Amma olmadı! deyərək diqqətlə həkimin ağzından çıxacaq kəlməni gözləyərək, onun simasınə baxmışdı...

Həkim:
- Mən sizə iki yol məsləhət görə bilərəm . Birincisi "aşı" üsulu, yox əgər o da alınmazsa süni mayalanma. Və inanıram ki, ikisindən biri mütləq tutacaq - deyərək yenidən bizə ümid verməyi bacarmışdı...

Axırıncı ölən ümidlərdi deyərək biz "aşı" üsuluna razılıq vermişdik. Həkimin yazdığı dərmanları qəbul edib söylədiyi vaxt yenidən xəstəxanaya üz tutmuşduq. Artıq hər şey hazır idi və biz gələcək övladımız üçün ilk addımı atmışdıq....

Gözlənən gün gəlib çıxmışdı. 6 ay sonra testim ilk dəfə pozitiv çıxmışdı. Buna inana bilmirdim. Mənə yuxu kimi gəlirdi. Yenə də tam əmin olmadan Cavidana heç nə deməmiş, klinikaya gedərək qan təhlili vermişdim. Bir neçə saat sonra cavab çıxmışdı. Pozitiv idi, mən hamilə idim. Həm də göstəricilər çox yüksək idi... Allah bir möcüzə etmişdi. Sevincək telefonu götürüb Cavidana:
- Ata, gözlə məni! 9 ay sonra görüşərik deyə mesaj yazıb göndərmişdim.
Cavidan mesajı alan kimi mənə zəng edərək:
- Pəri bu nə deməkdir? Yoxsa?! deyərək təəccüblənmişdi...

- Hə, hə Cavidan hamiləyəm. Ata olacaqsan. İnana bilirsən? Bizim də evimizdən çağa səsi gələcək, bizim də ipimizdə uşaq paltarı asilacaq, mən də sənə evə