y Allaha bağlı biri olduğu üçün elə ordaca dini kəbinimizi də kəsdirmişdi. Hər kəs yeyib-içib, əylənirdi... Çox xoş abu-havalı bir nişan mərasimi keçirdi. Artıq sonuna yaxınlaşmışdıq. Qonaqlar tək-tək dağılışıb gedirdilər. Azər bəylə Könül xanım fürsətdən istifadə edib elə ordaca anama:
- Rəna xanım, deyirik gəlin toyu uzatmayaq. Əgər siz də razısınızsa 1 ay sonra da toyu edək, olub bitsin. Həm deyirlər xeyir işi uzatmazlar - deyərək onun da fikrini almışdılar... Anam da:
- Siz necə məsləhət bilirsiniz, elə olsun! deyərək razılığını bildirmişdi...

Nişan bitmiş, qonaqlar dağılmışdı... Azər bəy Cavidana:
- Sən Pərvanə gili apar, mən də restoranın ödənişini həll edim anangili aparacam deyərək bizi yola salmışdı...

***
Çox keçmədən Cavidan binanın qabağında maşını saxlayıb arxaya dönərək:
- Rəna xanım, olar Pərvanə 5 dəqiqə daha qalsın sonra gələr? dəyərək anamdan izin almışdı...

Anam:
- İstəyirsən ömürlük qalsın, hətta istəyirsən götür apar, halalca həyat yoldaşındı?deyərək həm özü gülmüş, həm də Ləmanla Cavidanı güldürmüşdü...

Cavidan:
- Lap əla! desə də mən:
- Eşq olsun ana! Bezmisən məndən? deyərək dodağımı büzmüşdüm...

- Olsun qızım, hər zaman eşq olsun nə deyirəm ki?. Amma səndən bezməmişəm və sən də bilirsən ki, zarafat edirəm. Sən mənim ilk nübarim, ilk göz ağrımsan. Heç səndən bezərəm? Yaxşı biz getdik - deyərək Ləmanla evə qalxmışdı...

Anamgil gedər-getməz Cavidan məni bağrına basaraq:
- Ohhh, çox şükür, çox! Ətirlim! deyərək saçlarımdan öpmüşdü... Yenidən:
- Səni çox sevirəm sevgilim, çox! deyərək qulağıma pıçıldayıb sonra üz-gözümdən öpərək, sonda dodaqlarıma yumulmuşdu... Bir neçə dəqiqə sonra:
- Balım! Get artıq, yoxsa özümə cavabdeh ola bilməyəcəm deyərək məni ozundən aralayaraq alnımdan və əllərimdən öpmüşdü... Beləcə həyatıma qızıl hərflərlə yazılan daha gözəl bir günün sonuna gəlib çatmışdıq...

***
Toya hazırlıqlar başlamışdı. Azər bəylə Nəsimi restoranı danışmış, hətta gün təyin etmisdilər. Anam, Könül xanım, Ləman,