. Ləman pəncərədən baxaraq:
- Gəldilər, gəldilər deyə qışqırdı...
Az sonra vağzalı sədaları altında Cavidangil evimizə daxil oldular. O, gülü mənə verib qulağıma doğru əyilərək:
- Çox gözəlsən, çox! - deyə pıçıldadı... sonra yanımda duraraq əlimdən tutmaq üçün əlini uzatdı. Mən də bir daha heç buraxmamaq üzərə əlimi bu ən güvənli əlin içinə sıxışdıraraq bərk-bərk tutdum... Hər kəs xeyir dua verib bizi təbrik etdikdən sonra Nəsimi qırmızı lenti gətirib:

Anam bacım qız gəlin,
Əli ayağı düz gəlin,
Yeddi oğul istərəm,
Bircə dənə qız gəlin

- deyərək lentin belimə bağladı... Sonra yenidən vağzalı sədaları altında evdən çıxaraq restorana doğru yol aldıq... Biraz getdikdən sonra yolda Cavidana:
- Bilirsən nə istəyirəm? deyə söhbətə başladım:...

Cavidan heyrətlə:
- Nə? deyə soruşdu...

- Gəlinlikdə səninlə əl-ələ şəhərdə gəzmək. Qoy hamı xoşbəxtliyimə şahid olsun....

- Ciddisən?

- Həə, tam ciddi. Elə xoşum gəlir ki. Yadinda səninlə bir dəfə dənizkənarı parkda olanda bəylə gəlin şəkil çəkdirirdi. Onda onlara baxıb "Kaş mən də gəlinliklə belə gəzə biləydim" deyə ürəyimdən keçirmişdim. Düzü onda səninlə dost idik deyərək gülümsədim...

Cavidan:
- Bax sən o vaxtdan planlar qurumuş bizim bu xanım deyərək məni utandırmışdı...

- Cavidan! deyə incik halda ona baxıb gözlərimi süzdürmüşdüm...

Öncə mənə:
- Can Cavidan! deyib, sonra maşını idarə edən xalası oğluna müraciət edərək:
- Aqil, zəhmət olmasa dənizkənarı parka sür! deyərək əlimi qaldırıb öpmüşdü...

Məmnun halda ona baxıb gözlərimlə təşəkkür etmişdim...

Az sonra dənizkənarı parka çatmışdıq. Elə sevincli idim ki, sözlə ifadə etmək imkansız idi. Biraz gəzib şəkil çəkdirdikdən sonra artıq restorana yollanmışdıq. Demək olar ki, bütün qonaqlar gəlmişdi. Biz də içəri girərək öncə həzin musiqi sədaları altında rəqs edib, sonra yerimizdə əyləşmişdik... Toy möhtəşəm keçirdi... Hamı deyib-gülur, yeyib-içib, rəqs edib əylənirdi. Bizimlə şəkil çəkdirənlərin əlindən isə ağzıma bir loxma qoymağa