rahatlaşdırmışdı. Xəzər varlıqlı ailənin ortancıl övladı idi. Müəllimliyin yanı sıra atasının turizim agentliyində də çalışırdı. Ailəsindən ayrı şəxsi evində yaşayırdı. Onun yaşadığı evdə bir dəfə qonaq olmuşdum. Xəzər bərk soyuqlamışdı, buna görə ona şorba bişirib aparmışdım. İlk dəfə idi onun yaşayış tərzi ilə yaxından tanış olurdum. Xəzərin evi o qədər təmiz, o qədər səliqəli, hər şey yeriyerində idi ki, oranın subay oğlan evi olduğunu deməyə min şahid lazım olardı. İnana bilmirdim gördüklərimə... O qədər təmiz idi ki, insan oturmağa qorxurdu. Bütün bunlar mənim çox xoşuma gəlirdi. Xəzərin ailəsi çox mədəni, kübar insanlar idi. İlk gündən məni bir doğmaları kimi ailərinə qəbul etmişdilər. Yaşadıqlarım olduqca həyəcan verici və gözəl duyğular idi. Universitetdəki subay qızların heyran olduğu yaraşıqlı müəllim mənim gələcək həyat yoldaşım olacaqdı. Xəzər mənim üçün hər baxımdan mükəmməl seçim idi. Bunu bilsəmdə özümü zaman - zaman çox çarəsiz və boğulacaqmış kimi hiss edirdim. Niyə bucür hiss etdiyimi heç cürə başa düşə bilmirdim. O anlarda elə sıxılırdım ki, arxama belə baxmadan qaçmaq istəyirdim. Bəlkə də, gələcəyimin xəbərçisi idi o