üçün burdan "sürgün" olunmuşdu. Aylin heç vaxt atasına qarşı gəlməmişdi. Yenə də, ona boyun əyəcəkdi.
Səlim artıq beş il idi, İngiltərədə yaşayırdı. Universiteti orda oxumuşdu. Ondan sonra da bir müddət orda işləmiş, vətənə dönməmişdi. Amma artıq iki ay idi atasının: "Mən daha qocalmışam. İşlərin başına sən keçməlisən. Ona görə də qayıt",-deməsi ilə geri qayıtmışdı.
Səlim qaraşın, hündür bir oğlan idi. Məlikzadələr ailəsinin övlad həsrətinə Səlimlə son qoyulmuşdu. Evin tək övladı olduğu üçün nazı ilə oynamışdılar. Hər dediyi olmuşdu. Kazım Məlikzadə oğlunu Bakıya qaytardıqdan sonra təcili işin başına onu keçirmişdi. Səlim və sevimli dostu Samir artıq bu şirkətdə ortaq idilər. Samirin atası da Kazım Məlikzadənin ortağı idi. Hər iki qoca işlərdən əlini çəkib oğullarını işin başına keçirmişdi. Samir və Səlimin də uşaqlığı və gəncliyi birlikdə keçmişdi. İndi də ortaq olmaları onlar üçün bir sevinc idi.
Kazım və Zakir də son 5 il idi tanış olmuş,neçə illik dostlar kimi bir-birinə isnişmişdilər. Kazım Aylini çox yaxşı tanıyır və öz qızı kimi çox istəyirdi. Səlim isə buralarda olmadığı üçün elə də yaxşı tanınmırdı. İndi də bu iki dost öz övladlarının həyatını birləşdirmək qərarına gəlmişdi. Öz aralarında artıq az daha toyu da etmişdilər. Qərara almışdılar ki, bu gün bu mövzunu uşaqları ilə danışsınlar.
Aylin klinikadan bu dəfə tez çıxdı. Atasının deyəcəyi şey maraqlı gəlmişdi..
***
Aylin bu olanlar qarşısında nə edəcəyini bilmirdi. Atasının sözünə zidd getməmişdi heç vaxt. Həmişə atasının ideal qızı olmuşdu və elə də davam etmək istəyirdi. Amma bu artıq onun üçün heç də asan deyildi. Verəcəyi qərar onun həyatını büsbütün dəyişəcəkdi.
Aylin məktəbi əla qiymətlərlə bitirmişdi. Atasının onunla həmişə fəxr etdiyini görmək onu qürurlandırırdı. Atası istəyirdi deyə həkim olmuşdu.Heç öz arzusu olmamışdı. Nəsə ummamışdı həyatdan. Atasının cızdığı yolda irəliləyirdi. Amma bu çox gözlənilməz idi. Əlbəttə ki, Zakir bu qərarı verdiyi zaman Aylinin ona qarşı gəlməyəcəyini