cilovladı.
-Hə. Aylin. Bu vaxtı nəcəb?
-Saatın fərqinə varmamışdım. Zəng etdikdən sonra gördüm... - susdu..—mən qərarımı verdim...
-Aha, - Səlim maraqla Aylinin sözünü deməsini gözləyirdi.
-Razıyam. Bu oyunda mən də oyunçu olacam.
-Lap yaxşı. Atam bir ilə yaxın bir- birimizi tanımağımızı istəyir. Amma bu uzun müddətdir. 3 həftəyə toy etmək istədiyimizi bildirək. Daha sonra da müddət bitəndən sonra ayrılaq.
-Çox tez deyil bu? - Təəccüb etdi.
-Nə fərqi sənin üçün. Onsuzda, bitəcək. Nə qədər tez olub bitsə, bir o qədər yaxşı olmaz?
-Yaxşı. Elə olsun.
Telefon danışığını bitirib ikisi də düşüncələrə daldı.
***
Səhəri gün ailələr görüşüb danışmışdılar. Artıq nişan üçün vaxt da təyin etmişdilər. Zakir oğlu Zahir ilə küsülü olsa da, xanımını qıra bilməyib oğluna zəng etdi. Zakir oğluna bacısının tezliklə ərə gedəcəyini deyəndə Zahir əsəbiləşdi .
- Aylini niyə istəmədiyi bir evlilik etməyə məcbur edirsən, ata? - deyərək əsəbini boğmağa çalışsa da, daha da sərt danışdı, - o qızın həyatını korlayırsan, ata. Mən bacımın xoşbəxt olmadığını bilirəm.
-Sən kimsən ki, mənim qərarlarımı sorğulayırsan?Aylin öz istəyi ilə evlənir. Heç kəs onu məcbur etmir.
-Mən əminəm ki,ona seçim etmək şansı verilməyib.
- Sən bu işə qarışma. Evlənmisən, öz həyatını yaşa. Günah məndədir ki, səni çağırıram. İstəsən,gəl, istəməsən, heç gəlmə,-deyib telefonu söndürdü.
Zahir atasının istəmədiyi, öz istədiyi şeyləri edən biri idi. Bir sözlə, Aylinin tamam əksi idi. Atası istəməsə də, o,öz sevdiyi Bənövşəsi ilə evlənmişdi. Bu evliliyə ailəsi razı olmadığı üçün Zahir sevdiyi qadını da götürüb Rusiyaya getmişdi. Orada evlənmişdi. Həmişə Aylinə :"Zəifsən, xəyallarının ardından getmirsən",-deyib əsəbiləşirdi. Bənövşə kasıb bir ailənin qızı idi. Elə bu səbəbdən də Zakir bəy Bənövşəni qəbul etməmişdi. "Sanballı bir ailəyə sanballı gəlin yaraşar" fikrini irəli sürmüş və sonuna qədər bu evliliyi dəstəkləməmişdi. Amma Zahir əsla yolundan dönməmişdi. Evi tərk etmişdi. Atasının, bəlkə, ürəyi yumşalar