r söhbətimizi yarıda kəsmişdi. Tələsik üstümü düzəldib yerimi aldım. Qohumlarımızdan bir neçəsi içəri daxil olduqdan sonra əlində gül buketi tutmuş Xəzər göründü qapıda. Başdan ayağa süzdüm onu. Xəzər hər zaman olduğu kimi indi də son dərəcə səliqəli görünürdü. Əlindəki buketi mənə verdikdən sonra keçib yanımda dayandı. Dərin - dərin nəfəslər alaraq özümü ələ almağı bacarmışdım. Evdən çıxıb birbaşa restorana gəlmişdik. Qonaqların şən əhval - ruhiyyəsi mənim də halımı düzəltmişdi. Üzüklərin taxılma zamanı gəlmiş və biz yerimizi almışdıq. Hər kəs şənlənir, gülüb əylənirdi. Məndən başqa... Başımı qaldırıb Xəzəri süzdüm. Üzündə cuzi bir təbəssüm dolaşırdı. Qərar vermişdim ki, Aycanın sözlərini düşünməyim. Xəzərin atası yəni qaynatam üzükləri taxıb bir ömür xoşbəxtlik dilədikdən sonra yerlərimizə keçdik. Barmağımda hiss etdiyim soyuqluq əlimi qaldırıb baxmağıma səbəb olmuşdu. Halqa dəmir parçası həyatıma yeni yön vermişdi və bu yön indidən mənə doğru gəlmirdi. - Xəzər, - nisbətən əyilib asta səslə dilləndim. - Bəli, - Səncə də nişan tez olmadımı? Bəlkə, bir az daha tanıyardıq bir - birimizi. Gecikmiş söhbəti açmağımın nə mənası vardı bilmirəm, amma demişdim daha... Əslində, biz həqiqətən yaxşı tanımırdıq bir - birimizi. Çünki münasibətimiz dövründə heç düz əməlli görüşə bilmirdik də. Mənim dərslərim, Xəzərin universitetdəki eləcə də şirkətdəki işi buna hər zaman mane olurdu. - Hümeyra, bu sözlərini keçirdiyin həyəcana verirəm. Xəzər biruzə verməsə də qəzəblənmişdi sözlərimdən. - Hər halda elədir. - dedim. Ürəyimdə özümü nə qədər danlasam da olan olmuşdu artıq. Gecə boyunca bir az əvvəlki danışıq olmuşdu Xəzərlə aramızdakı tək dialoq. Onu incitdiyimin fərqində idim. Edə biləcəyim heç nə olmadığından sadəcə bu gecə bitsin deyə dua edirdim. - Əzizim, yaxşısan? Aycan əlimi tutduğu zaman yuxudan ayılmışdım elə bil. Təlaşlı görünürdü... Sadəcə başımı yellədim. - Hümeyra, bir az su iç. Rəngin ağappaqdı. Acgözlülüklə bardaqdakı suyu başıma çəkdim. Xəzərin gecə boyu üzümə