arxasınca səslənir və onun əhəmiyyət verməməsinə qarşılıq sürətini artırırdı. Bahar onun qolundan yapışan adama qarşı çox sərt reaksiya verərək, bədənini onun əlindən xilas edib, Sənana bütün əsəbi ilə baxdı. Baxışlarında "Bir daha buna cürət etmə!" - deyə yazıldığı halda , Bahar üzünü çevirib, şadlıq sarayını tərk etdiyində ,Sənan onun arxasınca qaçdı.Dəfələrlə adının çəkilməsinə, çağırılmasına və arxasınca qaçılmasına baxmayaraq, hara getdiyini belə bilməyən Bahar sürətini artırırdı. Nəhayət, ona, dilə gətirilmədən , göz ilə edilən xəbərdarlığın üzərindən xətt çəkən Sənan qızın qolundan tutdu, dartıb özü ilə apardı. Əlindən çıxmaq üçün göstərdiyi bütün cəhdləri uğursuz qalan Bahar, Sənan onu öz maşınına salarkən dəliyə dönmüşdü. Yenidən eyni hadisələri yaşamaq qorxusu ilə onları kiminsə görməsi dəhşəti bir-birinə qarışdığı zamanda , panika öz işini gördü.
-Alçaq! Əclaf! Burax! - kimi kəlimələr ard-arda düzüldü, əllər avtomobilin qapısını açmaq üçün əlləşdi, vuruşdu, amma hamısı boşa oldu. Sənan digər qapıdan maşına minib, Baharın indi də onu döyməyə başlayan yumruqlarını tutub, qızın gözlərinin içinə baxdı.
-Qulaq as mənə , Bahar, qulaq as!!
-İstəmirəm, nifrət edirəm sənə! Burax! Burax alçaq! - Bahar özünə gəlmək istəmirdi.
-Bahar!- Sənanın səsi əks-səda saldı, gözləri yaşarmış Baharın dodaqları titrəsə də, artıq susmuşdu. Nifrət alovu gözləri ilə Sənanı yandırırdı.
-Burax dedim, - bu dəfə pıçıldadı.
-Bahar, Bahar, yalvarıram, ayaqlarının altında ölüm Bahar, sadəcə imkan ver, sadəcə icazə ver, izah edim sənə hər şeyi.
-Burax Sənan, heç nə eşitmək istəmirəm!- onun adını çəkəndə keçirdiyi ürpənti, boğazına yığılan nifrət, ürək bulantısı, hamısı bir-birinə qarışdı. Bahar göz yaşlarını azad buraxmış, başını endirib, içini çəkirdi.
-Bagışla məni, Bahar, sarı gəlinim, bağışla , yalvarıram, bağışla, - Sənanın da başı endi və sevdiyi ilə birlikdə ağlamağa başladı. Bahar artıq aylardır onun dilindən eşitmədiyi müraciəti eşidəndə, bir anlıq hər şeyi unutdu, aylar