r öncəyə qayıtdı. Sanki Sənan heç vaxt ona təcavüz etməmişdi, onlar heç vaxt ayrı düşməmişdi, sanki hələ dünən otlaqda görüşür, bir-birlərini qucaqlayıb ağacın altında oturur, gələcəkləri haqqında planlar qururlar. Atası Baharı məcbur ərə verməmiş, Bahar sevdiyinin şəhərdən geri dönməsini səbrlə, sevgisi az belə olsa azalmadan gözləmiş, indi isə onlar qovuşmuşdular. Həyatında Yaşar adında da heç kəs olmayıb. Bir dəqiqə , Yaşar! Yaşar-Yaşar-Yaşar! Bahar qorxulu kabusdan oyanmış kimi dik atdı; Sənana onu maşına salmağa icazə verdiyi üçün, burada ,onunla tək olduğu üçün özünə nifrət etdi. Əgər bilsə, əgər Yaşar bilsə, əgər xəbər tutsa ki, indi Bahar burada, tək başına, Sənanladır, nə düşünər? Özünü bir daha xəyanətə uğramış kimi hiss etməzmi, Bahara da Nuray kimi nifrət etməzmi?? Bahar dəliyə döndü. Bir neçə saniyə sakitləşmənin ardından qışqırmağa, Sənanın əlindən çıxmaq üçün onu daha bərk vurmağa, təhqir etməyə başladı. Sənan anidən onu qucaqlayanda Bahar daha da dəliyə dönmüşdü.
-Burax, Sənan , burax!!
-Qulaq as, sadəcə qulaq as Bahar,- səsindəki pərişanlıq Baharı yumşalmağa məcbur etmişdi. Heç özünün də taqəti qalmamışdı əslində ; sadəcə Sənanın nə deyəcəksə desin, tez onu buraxmasın istəyirdi.
-Vallah , Allaha and olsun Bahar, Qurana and olsun ki, mən sadəcə bir neçə dəqiqəlik sənə haradansa geyim tapmaq üçün çıxdım oradan, geri qayıdanda sən yox idin.
Sənan Baharı özündən aralayıb, artıq sakitləşmiş Baharın yaşlı gözlərinə baxdığında, onlarda hələ də nifrət parlayırdı.
-Bahar, - deyə Sənan sanki çox irəli gedəcəyindən qorxurmuş kimi onun üzünü əlləri arasına aldı. Bahar buz heykəl kimi hərəkətsiz qalırdı.
- Mən elə bir neçə saat sonra sənin dalınca gəlmək, səni ailəndən istəmək istəyirdim, amma atam icazə vermədi, - Bahar qəlbindəki simin necə qırıldığını hiss etdi, xatirələr qom olub boğazına yığıldı. Murad bəyin "Sənan şəhərə gedib! 4 il burada olmayacaq. Sənə də çatdırmağımı istədi ki, onu gözləməyəsən.Bura bax qızım, qoymaram ki, oğlumun həyatını öz