mərifəti idi. Alt mərtəbədə böyük salon ,mətbəx, hamam və ayaqyolu, eləcə də bir dənə qonaq üçün nəzərdə tutulan otaq var idi. Pilləkənlə yuxarı çıxdılar. Özlərinə otaq axtarırdılar. Pilləkənlə yuxarı çıxanda soldakı ilk otağı açdılar. İçəri güllər və şamlar ilə bəzənmişdi. Pərdə və xalça ikisi də bej rəngdə olub uyğunluq təşkil edirdi. Çarpayının üstü ürək şəklində güllərlə bəzənmişdi. Bəlli idi ki, otaq onlar üçün hazırlanıb. Aylin bu vəziyyətdən utandı. Yanaqları qızardı. Səlim də özünü itirdi.
-Mən başqa otaqlara baxım. Sən burda qalarsan,-dedi və tez ordan uzaqlaşıb sağda yerləşən digər otağa girdi. Oranı da Səlim özünə seçdi.
Aylin üçün otağın fərqi heç yox idi. Sadəcə 6 ay davam edən bir evlilik olacağı üçün özünü bu evliliyə çox da öyrəşdirmək istəmirdi. Bəlkə də, işgəncə olacaqdı bu evlilik. Daha sonra ikisi də öz yoluna gedəcəkdilər. Ayrılıq onların qapısına gələcəkdi. Müvəqqəti otağına girib min bir əziyyətlə çıxardığı gəlinliyi yatağın üstünə tulladı. Gəlinliyi belə istəyərək seçməmişdi. Sonra saçlarını açmağa çalışdı. O qədər lak vurmuşdular ki saçına, saçı açılmaq bilmirdi. Makiyajını da sildikdən sonra güzgüdə öz əksinə baxdı. Yəni, bu o idi. Güzgüdə gördüyü bədbəxt qadın o mu idi? Bu vəziyyət ona çox çətin idi. Axı o ,toyunu belə təsəvvür etməmişdi. Sevmək istəyirdi. Sevilmək istəyirdi.Axı bu onun da haqqı idi. Amma indi o ,yad kimi olduğu biri ilə evlidir. O,ayrı yataqda, bu ayrı yataqda. Hələ bilmirdi ,həyat ona nə sürprizlər hazırlayır. Doyunca ağlayıb ürəyini boşaltdıqdan sonra hamama girib bədənini isti suyun ağuşuna təslim etdi. Günün yorğunluğunu, çəkdiyi ağrını bu yolla atacağını düşünürdü.Hamamdan çıxıb sadə ev geyimini geyindi. Daha sonra aşağı - mətbəxə düşdü. Bütün günü yemək yemədiyi üçün ürəyi bulanır və başı gicəllənirdi. Yemək yemək üçün mətbəxə endi. Səlimin hərarətli telefon danışığı onu dayanmağa vadar etdi. Eşitdikləri onun bir daha ümidlərini qırdı.
-Axı sən hardan öyrəndin bunu?..Sən düşündüyün kimi deyil, Sara... - Əsəbi