baxdı. Heç nə demədi.
-Aylin, mən elə demək istəmədim. Düzgün demədim,-Səlim sözü necə deyəcəyini düşünürdü.
-Səlim, qırdığın ürəyə diqqət et! Bir gün gələr,o ürəyin qırıntıları sənin qəlbinə batar. Ən dibə çökərsən. Birini Qırdığın zaman sabahını düşün. Sabah üz - üzə gəlməyə utanmayasan deyə sözlərini ağzında bişirmədən çıxarma. O sözlər dönər, dolaşar və sənin ayağına dolanar. Peşimançılığın pik nöqtəsinə çatarsan, - dedi. Səlim nəsə demək istəyəndə Aylin qapını çırpıb otağa girdi. Səlim isə donuq baxışlarla qapıya baxa qaldı. Nə qədər belə dayandığını bilmədi. Sonra isə otağına gedib yatmağa çalışdı.

***
Evliliklərinin üstündən düz iki həftə keçmişdi. Bu müddət ərzində Aylin də, Səlim də iki yad insan kimi idilər. Bir-birinə "Salam" dan başqa bir söz demirdilər. "Necəsən?" sözü belə yox idi arada. Aylin Səlimlə heç olmasa, dost kimi olmağı çox istəsə də, Səlim elə soyuq idi ki, bu Aylini də qıcıqlandırırdı. Nəticədə Səlimin soyuqluğu Aylinə də isti münasibət sərgiləməyə mane olurdu. O da bacardıqca Səlimdən uzaq durmağa çalışırdı.
***
Samir işdə Səlimin otağına şən əhval-ruhiyyə ilə daxil oldu.
-Əziz dost! Necəsən? - deyib qollarını açaraq stolda oturdu.
-Nədir? Yenə, də həmişəki kimi şitsən. İşin düşər baxma, - deyib qaşının birini qaldıraraq Samirə baxdı. Nədənsə şübhə edəndə belə baxmaq adəti idi.
-Aaa, Səlim,sən lap bədbinsən ki. Mənim xoşbəxt olmaq üçün səbəbə ehtiyacım yoxdur,-Səlimi süzüb, - Səndən fərqli olaraq, - dedi.
-Yaxşı görək, Samir. Yenə nə var?
-Sabah axşama ziyafət təşkil edirəm. Əla bir gün olacaq deyib,- alqış etdi.
-Yaxşı, gələrəm. Elə bu idi?-Təəccüblə dostuna nəzər saldı.
-Hə sadəcə bu idi.
-Çox qəribədir.
-Qəribə heç nə yoxdur....Bir də ki ,Aylini də gətirərsən.
-Aylin hardan çıxdı? - bu heç Səlimin ürəyincə olmadı.
-Səlim, sizin saxta evliliyinizi mən bilirəm sadəcə. Başqa heç kim bilmir axı. Tək gəlməyin düzgün olmayacaq. Hərə bir şey danışacaq,-Səlimi yola gətirməyə çalışsa da, Səlim razı olmaq istəmirdi.
-Əşi,