, danışsınlar da. Mənim şəxsi həyatıma kimin ixtiyarı çatar qarışmağa? Belə cəsarətlidirlərsə..
-Yaxşı. Sənin də yanından yel ötməsin də.Əsəbiləşirsən,-Səlimə sözünü tamamlamağa imkan vermədi. Samir min bir dil töküb Səlimi razı salmağa nail oldu.
-Aylin ora gəlsə də, orda heç kimi tanımır axı. Sıxılacaq.
-Guya ki, Aylini düşündün həə? - dedi gülərək, - rəfiqəsi var idi onun. Toyda da yanında idi. Onu da gətirər. Beləcə sıxılmaz. Sənin kimi bir sıxıcı adamla yaşayıb sıxılmırsa, mənim möhtəşəm ziyafətimdə mümkün deyil ki, sıxılsın.
Səlimə söhbət birdən çatdı. Başını qaldırıb Samirə gülərək :
-Ay sənii.... - dedi,-Mən də deyirəm, sən niyə belə canfəşanlıqla Aylini çağırırsan.Demək, israrının tək səbəbi Nigar imiş, hə.
Samir utandı. Başını qaşıyaraq:
-Söz tapdın da, Səlim. O hardan çıxdı? Elə şey yoxdur, - dedi.
Səlim şən qəhqəhə ataraq :
-Mən səni əla tanıyıram, dostum. Demək,bayaqdan buna görə belə dil-boğaza qoymursan,həə?-Samirin utandığını görüb çox üstünə getmədi, -yaxşı, indi zəng edərəm.
Bayıra çıxıb Aylinə zəng etdi. Aylin Səlimin zəngini görüb təəccübləndi. Bu müddət ərzində hələ bir - birinə zəng etməmişdilər. Tələsik zəngi açdı.
-Alo...
-Aylin...Salam, - necə söhbətə giriş edəcəyini bilmirdi.
-Salam, Səlim. Önəmli nəsə var? - Bilirdi ki, Səlim elə-belə zəng etməz. Yəqin, nəsə vardı.
-Sabaha Samir ziyafət təşkil edir. Bizi də dəvət edir. Mənim ora tək getməyim düzgün olmaz.
-Aha. Anlayıram. Mən də getməliyəm.
-Hə.Hə.
-Yaxşı. Gedərik..Başqa nəsə yoxdursa, işimə dönməliyəm,vacib əməliyyatımız var.
-Aylin...-Səlim sözünü deməyə çətinlik çəkirdi.
-Hə,Səlim. Eşidirəm, - Aylin artıq anlamışdı ki, bu zəngin altında başqa nəsə yatır.
- Orda bilirsən, çox adam olacaq. Sən isə heç kimi tanımırsan. Ona görə, bəlkə,rəfiqəni də gətirəsən.
Aylin artıq hər şeyi anlamışdı. Nişanda Samirin nəzərlərinin Nigarı qarabaqara izlədiyini görəndə anlamışdı hər şeyi. İndi də özünü heç o yerə qoymadan gülüşünü güclə saxlayaraq:
-Aytacı deyirsən? - dedi.
Səlim