ı təşəkkür edib çıxdıqdan sonra Aylin Nigara "hücum" çəkdi.
-Nigar, gələcəksən də, həə mənlə? - Yenə dodaqlarını büzdü.
-Nə bilim, Aylin. Mənim gəlməyim düzgün olar ki? - deyib Aylinə tərəddüdlə baxdı.
-Aa dəlisən, valla. Niyə düzgün olmasın? Gedib qəşəngcə əylənərik. Günün stresini atarıq, hə? - deyib rəqs edərək göz vurdu Nigara.
-Yaxşı, başımın bəlası. Gələrəm, - deməsi ilə Aylin Nigarın üstünə atıldı.
-Çox sağ ol, mənim bir dənəm, - deyib qucaqladı və başından öpdü.
***
Səhəri gün işdən tez çıxan Aylin Nigarla birlikdə alış-veriş edib özlərinə gözəl libas seçdilər. "Ziyafətin ən gözəl qızı biz olmalıyıq",-deyib ən yaxın geyim butikinə gəlmişdilər. Aylin normalda qara rəngi sevməsə də, bu dəfə özünə qara rəngli mini bir libas seçdi. Bu geyimdə cazibəsi tamam başqa cür idi. Nigarın seçdiyi tünd zoğal rəngli paltarı da görməyə dəyərdi. Bu günün ən gözəli ,doğrudan da, onlar olacaqdı elə. Axşam ikisini də ziyafətə Səlim gətirmişdi. Bayaqdan gözü yolda və saatda qalan Samir Səlimin maşınını görən kimi dərhal özünü bayıra atdı.
-Xoş gəlmisiniz, - Gəlinbacı, xoş gördük, - deyib əl uzatdı. Sonra Nigara dönüb, - siz də xoş gəlmisiniz, - dedi. Həyəcandan səsi titrədi.
-Xoş gördük. Aylin israr edincə mən də gəldim. Belə anidən oldu, - pərt halda dedi.
-Nə danışırsınız, heç elə şey olar. Yaxşı ki, gəldiniz. Mənim ziyafətlərim möhtəşəm olur. Gəldiyiniz üçün peşiman olmayacaq, əksinə sevinəcəksiniz,-Samir dil boğaza qoymadan danışırdı. Nigarı görüb ağlı başından çıxmışdı. Birdən Səlimgilin qapıda qaldığını görüb:keçin, keçin içəri, - dedi və qonaqlara öndən yol verdi.
Ziyafət əla gedirdi. Karaoke də təşkil olunmuşdu. Bütün qonaqlar şənlənirdi. Nigar nə qədər təkid etsə də, Aylin Karaokedə oxumağa razı olmamışdı. Axırda Samir onun bu həvəsini görüb birlikdə oxumağı təklif etmişdi. Nigar bu təklifi sevinclə qəbul etmişdi.Samirin istəyi ilə Oqtay Ağayevin "sən ey uşaqlıq" mahnısını ifa etdilər. İkisinin də bir ortaq cəhəti retro mahnıları sevmələri idi. Bu mahnının