gözündən axan yaşı zərif əli yanağına yaydı.
-Yəni məni qocalanda sevməyəcəksən?
-Bəs siz?
- Mən? Mən uşaqlarımızı yerbəyer etdikdən sonra onsuz sənə möhtac olacam, başqa suala ehtiyac varmı ki?- ikisinin də üzündə dərin hüzn altında gizlənən təbəssüm ani qığılcım ilə odlanıb ,eləcə də tez söndü.Elə beləcə , verilən suallara cavab alınmadan, sözlər tam deyilmədən, bir-birinin qucağında onlar dərin yuxuya getmişdilər.
Aradan 2 həftə vaxt keçirdi. Artıq evin təmir işləri sonlanır və Bahar valideynlərinin gedəcəyi günün yaxınlaşması kədəri ilə bütün günü fikirli gəzirdi. O hər gün ona sevgi nəvazişləri göstərən ərində son zamanlar qəribə küskünlük sezirdi. Əslində səbəb bəlli idi; Bahar çox yaxşı başa düşürdü ki, Yaşar aralarındakı intim münasibətdə daha artığını istəyirdi və bu istək çox doğal ,eyni zamanda haqlı istək idi. Bəs Bahar özü? Onun artıq 18-ni aşmış bədəni nələr tələb edirdi? Yaşarın dodaqları dodaqlarında ikən , bədənində gəzən barmaqları son dayanacağında onun sinəsini sıxanda, boğazını kəsən inilti sərhədləri aşıb, özünü çölə atarkən ərinin nələr keçirdiyini fikirləşmək belə əzab idi.Hər dəfə güzgünün qarşısında saçlarını darayanda çiyinlərinə enən əllərin istiliyi ilə irkiləndə , boğazını yandıran isti nəfəsini ardından boynuna doğru enən islaq öpüşlərin ardını istəmirdimi? Dəryanın uzaqda olduğunu bildiyi halda oraya piyada , yandıran qumun üzərində yeriyərək gedən aciz şəxs kimi susuzluğunun o ölmədən bitəcəyi arzusu ilə alışıb yanırdı. Ondan sonra ölsəydi də olardı, amma bircə dəfə bir-birinə yapışan dodaqları islansın, quruyan boğazından aşağı doğru süzülən su düz ciyərlərinə süzülsün və həyatında son olduğunu bildiyi halda həmin ləzzəti alsın, həmin həzzin içində batıb, ucu-bucağı görünməyən cənnətlərə yol alsın, qanadlarını çalıb bu iyrənc və əzablı dünya üzərində süzərək uçub getsin...
Şirin xəyal bu olsa gərək; damağında dadını hiss etdiyin, ən gözəl təam qədər dadlı, hətta yeyilmədən belə mədəni doydura biləcək xülya; çox yaxın , ancaq