i deyilmisən? Yəni demək istəyirəm ki, siz artıq bir yerdə yatıb-durur, bir yerdə yaşayırsız ;müəllim ilə şagird kimi "sizli-bizli" danışmaq nə deməkdir? Belə burun soxmaq kimi çıxmasın, amma siz həqiqətən evlisiz? Çünki bu gün qıraqdan əsl küsülü nişanlı cütlüyə bənzəyirdiz.
Bahar elə bu dəqiqə içinə yığılan hər şeyi ağzından çıxarıb masanın üzərinə tökməyə hazır ikən , anasına belə etiraf edə bilmədiyi gerçəyi özü "olmasın" desə də sözün əsl mənasında burun soxduğu məsələyə heç bir aidiyyatı olmayan şəxsə nəyisə danışa bilməyəcəyini anladığında söhbəti dəyişməyə tələsdi. Xanım bunu çox yaxşı hiss etdiyi üçün özü də etiraz etmədi , lakin birlikdə plazadan çıxanda maşının qarşısında, əlində telefon onun yolunu gözləyən ərini görüb dayanan Baharın yanına tələsdi və çiyin-çiyinə dayandı.
-Sənin yerinde olsam əlimdəki briliantın dəyərini bilərəm. Belə ər çox az adama qismət olur, əgər sahib çıxmasan, ona yad kimi davransan ,başqası çox tez əlindən ala bilər. Bəlkə sən görmürsən ,amma o, səni həqiqətən çox sevir, yoxsa bu binada həyat yoldaşını öz iş zamanı olduğuna baxmayaraq ,gəlib götürən çox az adam var.
Xanım ciddi şəkildə dediyi cümlənin sonunda gülümsəməyi və rəfiqəsi ilə sağollaşmağı da unutmadı. Yaşar aralarındakı məsafədən asılı olmayaraq Baharın simasındakı tədirginliyi çox yaxşı görə bilirdi. Yol boyu ikisi də susurdu. Baharın çox yorğun və halsız olduğunu görsə də Yaşar özü də dinmədi, heç nə baş verdiyini də soruşmadı...
""""""""""""""""""''''''''"""''"''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
- Bəlkə artıq gəlişinin səbəbini deyəsən?- yorğun iş günündən sonra heç gözləmədiyi qonağı evinin qarşısında görən Cavidan , bütün yeyib-içməkdən sonra , eləcə də yalandan danışılan ordan-burdan söhbətlərin ardından acı qəhvə içdikləri zaman evdəki boşluqdan istifadə edib, divanda ayaqlarını uzadaraq oturan Yaşara müraciət etdi.
-Dostuma baş çəkməyə gələ bilmərəm bəyəm mən? Yoxsa biz artıq dost da