Bölüm 24


-Bahar, - Yaşar nədənsə ehtiyyat edirmiş kimi onun adını çəkəndə Bahar dərhal onu tərksilah etməyə tələsdi.
-Yox, sadəcə icazə verin. Mən onu sevirdim, həm də çox, bunu boynuma alıram. Amma bu evə addımımı atdığım ilk gündən Sənan sadəcə mənim qorxulu kabusum olub, sevdiyim ,hörmət etdiyim şəxs deyil ,- Yaşar içində yaranan xoşhallığın simasına vurmaması üçün əlindən gələni etdi və özünü ciddi tutdu. Sənanın adını çəkərək yuxudan dəhşət içərisində oyanan Baharın həmin şəxsi xəyal deyil kabus olaraq görməsi xəbəri onun üçün sevincdən də ötə xoşbəxtlik idi.
-Bu gün getdiyim toyda həmin adam da orada idi, - təəccüb ərinin üzündə özünü göstərdi, amma və ancaq Yaşar əsəbi deyildi, əksinə Sənanın toyda olması gerçəyindən çox onu maraqlandıran Baharın keçmiş sevdiyini "həmin adam " deyə adlandırması idi.
- Mən istəyirəm ki, başqaları sizə demədən və ya siz özünün xəbərdar olmadan bütün həqiqətləri...- Bahar dodaqlarının üzərinə qoyulan işarət barmağının təsiri ilə susdu. İri açılmış gözləri ərinin sevgi və təbəssüm saçan gözlərinə dikildi.
-Heç nə eşitmək istəmirəm. Mənim üçün hal-hazırda ancaq bir həqiqət var, o da sənsən , ancaq və ancaq sən!
-Amma...
-Amması , mamması yoxdur, mənə heç nə maraqlı deyil.
-Yaşar mənə qulaq asın ,xahiş edirəm, - səsindəki yalvarışla son ümidini və şansını da itirmək üzrə olan Baharın xahişi onu qucaqlayan əri tərəfindən rədd edildi.
-İstəmirəm, mənə heç bir izah lazım deyil. Mənə nə sənin keçmişin maraqlıdır, nə də öz keçmişim; mənə bizim indimiz və gələcəyimiz maraqlıdır. Belə boş söhbətlərdənsə ,gəl gələcəyimiz haqqında danışaq. Özümüzə aid evə köçdükdən sonra orada dünyaya gətirəcəyimiz balacalar haqqında danışaq, bir-birimizi hətta illər sonra , qocalıb əldən düşəndə, əllərimiz əsəndə necə sevəcəyimizdən danışaq, - Bahar gülümsədi, ardınca da dodaqlarını buna hazır vəziyyətdə tutmuş əri ona qarşılıq verdi.
-Nədir, inanmırsan?- onun sinəsində qərarlaşan Baharın başı, etiraz əlaməti olaraq ehmalca tərpəndi və