r maşın gəldi. Sən demə ,qızın istədiyi bir oğlan var imiş. Beləcə də mənim sevgi hekayəm başlamadan bitdi.
-Bu pis oldu. Sənin yerinə, doğrudan da, üzüldüm.
- Bir şey olmaz. Həyat davam edir. Yaxşı ki,çox da özümü hisslərə verməmişdim. Sadəcə çox xoşuma gəlmişdi. Çox qəşəng qızdı,-dedi. Bu vaxt Səlimin telefonu zəng çaldı. Səlim sevinə sevinərək zəngi açdı.
-Samir, bağışla, qardaş, bu zəngi açmalıyam, - deyib Samirin yanından uzaqlaşanda Samir də :"olsun buyur işində ol" - dedi və öz iş otağına üz tutdu.
-Salam, Səlim
-Salam, Saram.
-Həyatım, axşam görüşə bilərik?-soruşdu.
Səlim bu eşitdiyinə çox sevindi.
-Sən Bakıdasan? Nə vaxt gəldin? Mənə niyə demədin, səni qarşılayardım.
-Özüm demədim, həyatım. Sənə sürpriz etmək istədim.
-Çox gözəl sürpriz oldu, əzizim. Axşam saat 6da görüşərik.
-Olar..Hələlik, canım.
-Hələlik,Saram.
Səlim öz saydığını saysın ,görün, Kazım bəy nə sayır.
Evdə oturub xanımı Seyran xanımla danışırdılar. İkisi də Aylin və Səlim üçün darıxdığını deyib bir -birinə baxdı.
-Sən ən yaxşısı dur axşama hazırlıq gör. Axşama uşaqları çağıraq , gəlsinlər.
-Əla olar, Kazım,-deyərək Seyran xanım sevindi.
-Həm bir baxaq , görək,araları necədi? Yola gedirlərmi?
-Düz deyirsən. Özləri tez evlənmək istəsə də,arada Sara var idi.
- Yox. Daha Səlimə yaxın durmaz hər halda,-desə də, Seyran xanımın sözünü düşündü. "Bəlkə,doğrudan da ,əl çəkən deyil Səlimdən",-düşünərək Səlimə zəng etdi.
-Alo ,oğlum
-Buyur, ata.
-Necəsən oğlum? Gəlinim necədi? Yaxşı baxırsanmı ona?
- Şükür, ata, yaxşıyıq.
-İncitmirsən ki gəlinimi?-deyərək Səlim onu görməsə də, qaşını çatdı.
-Yox, ata. Hər şey qaydasındadır.
-Lap yaxşı. Onda axşam gəlinimin dilindən eşidim gərək onu incitmədiyini,- deyib güldü.
-Başa düşmədim, ata.
-Nəyi başa düşmədin? Deyirəm, axşam gəlinimi də götür, gəl. Hazırlıq görürlər artıq evdə.
-Amma, ata.
-Heç nə eşitmək istəmirəm, Səlim. Dedim, gəlin, vəssalam.
-Yaxşı, ata, - Səlim dilxor oldu. Atası da həmişə Sara ilə arasında qaratikan kolu