Bolum 4-5

Etmək istəmədiyimiz, lakin etdiyimiz o qədər şey var ki. Bir gün yuxudan ayılanda hər şey o qədər fərqli görünür ki, gözümüzə. Bütün bu edilən şeylərin bir səbəbi olur. Sevgi. Sevgi haqqında nə qədər gözəl sözlər deyilsə də, əsla sevgini anlatmağa bəs etməz. Kiminə görə sevgi yoxdur, kiminə görə isə əzabdan başqa heç nə deyil. Bəlkə də, ilk peşimançılığımız elə sevgidir. Sevgiyə hər kəs inanır. İnanmayan birinin isə nə vaxtsa qəlbi sevgiyə görə qırılıb. Ona görə inana bilmir. Amma ürəyinin dərin guşəsində bir yerə sevgini gizlədir. Sevgiyə hər zaman yer var.

Artıq səhər açılırdı. Günəşdən süzülən şəfəqlər pəncərədən Aylinin üzünə düşərək Aylinin oyanmasına səbəb oldu. Tənbəl-tənbəl :"uff yenə səhər" - dedi. Birdən yerindən dik atıldı. Güzgünün qabağına keçdi. Əynində dünəndən qalma geyim. Üzündə makiyaj. Bir anda dünənki hadisələr gözünün önündən film lenti kimi keçməyə başladı. Güzgüdən başını qaldırıb öz əksi ilə danışmağa başladı:
-"Nəə? Mən bütün bunları etdim?"
Otağın içində vurnuxaraq:"Yox, bu ola bilməz. Bu sadəcə bir yuxu idi.... Birdən yuxu deyildirsə, onda necə?? Ufffff" - deyib iki əli ilə də başına vurmağa başladı.
-"Allahım nolar Səlimlə qarşılaşmayım"-deyə dua etdi.
Səlim aşağı düşəndə Aylinin öz - özünə danışığını eşidib, qulaq asdı. Gülməmək üçün özünü güclə saxladı. Aşağı düşüb hər zamankı kimi oturub çay içməyə başladı.Hər səhər evə təmizlikçi gəlirdi. Onlara yemək və çay hazırlayırdı. Sonra evi yığışdırıb Aylinlə Səlim gəlmədən evdən çıxırdı. İndi də Səlim Gülnarə xalanın(təmizlikçi) süzdüyü çayı içərək telefonda qurdalanırdı.
Aylin artıq yuyunmuş, əynini dəyişmiş və işə hazırlaşmışdı. Amma heç cürə aşağı düşə bilmirdi. Gizlin-gizlin otaqdan çıxıb pilləkəndən aşağı boylandı. Səlimi aşağıda görüb tez ordan çəkildi ki, Səlim onu görməsin. Amma Səlim onu görmüşdü. Sadəcə özünü o yerə qoymadı. Aylin cəld öz otağına girib gözləməyə başladı. Az keçmədi ki, pilləkənlə birinin qalxdığını eşitdi. Allaha dua etməyə başladı ki,bircə