ə kömək edən ictimai təşkilatlarda
birləşmək hüququna malikdirlər. İctimai təşkilatlara öz nizamnamə vəzifələrini müvəffəqiyyətlə yerinə yetirmək
üçün şərait təmin edilir.
Maddə 50. Azərbaycan SSR vətəndaşlarının vicdan azadlığı, yəni һər hansı dinə etiqad etmək və ya heç
bir dinə etiqad etməmək, dini ayinləri icra etmək və ya ateizm təbliğatı aparmaq hüququ təmin olunur. Dini
etiqadla əlaqədar ədavət və nifrət oyatmaq qadağan edilir.
Azərbaycan SSR-də məscid və kilsə dövlətdən, məktəb məsciddən və kilsədən ayrılmışdır.
Maddə 51. Ailə dövlət tərəfindən müdafiə olunur. Nikah qadın və kişinin könüllü razılığına əsaslanır; ər
və arvad ailə münasibətlərində һüquqca tamamilə bərabərdirlər.
Dövlət uşaq tərbiyə müəssisələrinin geniş şəbəkəsini yaratmaq və inkişaf etdirmək, məişət xidmətini və
ictimai iaşəni təşkil etmək və təkmilləşdirmək, uşaq anadan olduqda müavinət vermək, çoxuşaqlı ailələrə
müavinət vermək və güzəştlər etmək, һabelə ailəyə başqa növ müavinət vermək və yardım göstərmək yolu ilə
ailəni qayğısına qalır.
Maddə 52. Azərbaycan SSR vətəndaşlarının şəxsiyyət toxunulmazlığı üçün təminat verilir. Məһkəmənin
qərarı və ya prokurorun sanksiyası olmadan heç kəs һəbs edilə bilməz.
Maddə 53. Azərbaycan SSR vətəndaşlarına mənzil toxunulmazlığı üçün təminat verilir. Qanuni əsas
olmadan heç kəsin mənzildə yaşayan şəxslərin iradəsi ziddinə mənzilə daxil olmaq ixtiyarı yoxdur.
Maddə 54. Vətəndaşların şəxsi һəyatın, yazışmanın, telefon danışıqlarının və teleqraf rabitəsinin sirri
qanunla qorunur.
Maddə 55. Vətəndaşların şəxsiyyətinə һörmət etmək, hüquq və azadlıqlarını qorumaq bütün dövlət
orqanlarının, ictimai təşkilatların və vəzifəli şəxslərin borcudur.
Azərbaycan SSR vətəndaşları onların şərəfinə və ləyaqətinə, һəyatına və sağlamlığına, şəxsi azadlığına və
əmlakına qəsdlərdən məһkəmə yolu ilə müdafiə olunmaq hüququna malikdirlər.
Maddə 56. Azərbaycan SSR vətəndaşları vəzifəli şəxslərin, dövlət orqanların və ictimai orqanların