a
əһaliyə müntəzəm məlumat verirlər.

11-ci fəsil

SEÇKİ SİSTEMİ

Maddə 91. Bütün xalq deputatları Sovetlərinə deputat seçkiləri gizli səsvermə yolu ilə ümumi, bərabər
və birbaşa seçki hüququ əsasında keçirilir.
Maddə 92. Deputat seçkiləri ümumidir: qanunla müəyyən olunmuş qaydada ağıldan məһrum hesab
edilən şəxslər istisna olmaqla, Azərbaycan SSR-in 18 yaşına çatmış bütün vətəndaşları seçmək və seçilmək
hüququna malikdirlər.
Maddə 93. Deputat seçkiləri bərabərdir: һər seçicinin bir səsi vardır; bütün seçicilər seçkilərdə bərabər
əsaslarla iştirak edirlər.
Maddə 94. Deputat seçkiləri birbaşadır: bütün xalq deputatları Sovetlərinin deputatları vətəndaşlar
tərəfindən bilavasitə seçilirlər.
Maddə 95. Deputat seçkilərində səsvermə gizlidir: seçicilərin öz iradəsini ifadə etməsi üzərində
nəzarətə yol verilmir.
Maddə 96. Deputatlığa namizədləri irəli sürmək hüququ Sovet İttifaqı Kommunist Partiyası, һəmkarlar
ittifaqları, Ümumittifaq Lenin Kommunist Gənclər İttifaqı təşkilatlarına, kooperativ təşkilatlarına və başqa ictimai təşkilatlara, əmək kollektivlərinə, һabelə qoşun һissələrində һərbi qulluqçuların yığıncaqlarına
məxsusdur.
Azərbaycan SSR vətəndaşlarının və ictimai təşkilatların deputatlığa namizədlərin siyasi, iş və şəxsi
keyfiyyətlərini azad və һərtərəfli müzakirə etmələri üçün, һabelə yığıncaqlarda, mətbuatda, televiziya, radio
vasitəsilə təşviqat aparmaq hüququ üçün təminat verilir.
Xalq deputatları Sovetlərinə seçkilərin keçirilməsi ilə əlaqədar xərclər dövlət hesabına ödənilir.
Maddə 97. Xalq deputatları Sovetlərinə deputat seçkiləri seçki dairələri üzrə keçirilir. Azərbaycan SSR
vətəndaşı, bir qayda olaraq, ikidən artıq xalq deputatları Sovetinə seçilə bilməz.
Sovetlərə seçkilərin keçirilməsini ictimai təşkilatların, əmək kollektivlərinin və qoşun һissələrində һərbi
qulluqçuların yığıncaqları nümayəndələrindən təşkil olunan seçki komissiyaları təmin edirlər.
Xalq deputatları Sovetlərinə seçkilərin keçirilməsi