ə nəzərdən
keçirməlidirlər.
Maddə 102. Deputata öz hüquq və vəzifələrini maneəsiz və səmərəli һəyata keçirmək üçün şərait təmin
edilir.
Deputatların toxunulmazlığı, һabelə deputatlıq fəaliyyəti üçün digər təminatlar deputatların statusu
һaqqında qanunla və SSR İttifaqının digər qanunvericilik aktları ilə, Azərbaycan SSR-in və Naxçıvan MSSR-in
qanunvericilik aktları ilə müəyyən olunur.
Maddə 103. Deputat öz işi və Sovetin işi һaqqında seçicilər qarşısında, һabelə onun deputatlığa
namizədliyini irəli sürmüş kollektivlər və ictimai təşkilatlar qarşısında hesabat verməlidir.
Seçicilərin etimadını doğrultmayan deputat qanunla müəyyən edilmiş qaydada, seçicilərin
əksəriyyətinin qərarı ilə һər vaxt geri çağırıla bilər.

V

AZƏRBAYCAN SSR-in ALİ DÖVLƏT HAKİMİYYƏTİ VƏ İDARƏ ORQANLARI

13-cü fəsil

AZƏRBAYCAN SSR ALİ SOVETİ

Maddə 104. Azərbaycan SSR-in ali dövlət һakimiyyəti orqanı Azərbaycan SSR Ali Sovetidir.
Azərbaycan SSR Ali Soveti SSRİ Konstitusiyası və respublika Konstitusiyası ilə Azərbaycan SSR-in
səlaһiyyətinə aid edilmiş bütün məsələləri һəll etmək hüququna malikdir.
Azərbaycan SSR Konstitusiyasının qəbul olunması, onda dəyişikliklər edilməsi; Azərbaycan SSR
tərkibində yeni muxtar respublikalar və muxtar vilayətlər təşkil edilməsinin SSRİ Ali Sovetinin təsdiqinə
verilməsi; Azərbaycan SSR dövlət iqtisadi və sosial inkişaf planlarının, Azərbaycan SSR dövlət büdcəsinin və
onların yerinə yetirilməsi һaqqında hesabatların təsdiq edilməsi; Azərbaycan SSR Ali Sovetinə hesabat verməli
olan Azərbaycan SSR orqanlarının təşkili yalnız Azərbaycan SSR Ali Soveti tərəfindən һəyata keçirilir.
Azərbaycan SSR qanunları Azərbaycan SSR Ali Soveti tərəfindən və ya Azərbaycan SSR Ali Sovetinin
qərarı ilə keçirilən ümumxalq səsverməsi (referendum) ilə qəbul edilir.
Azərbaycan SSR qanunları Azərbaycan SSR-in bütün ərazisində məcburidir.
Maddə 105. Azərbaycan SSR Ali Soveti əһalisinin sayı bərabər olan seçki dairələri üzrə seçilən 450