i öz səlaһiyyətini yeni seçilmiş Azərbaycan SSR Ali Sovetinin birinci
sessiyasında Ali Sovet qarşısında üzərindən götürür.
Maddə 124. Azərbaycan SSR Nazirlər Soveti Azərbaycan SSR Ali Soveti qarşısında məsuldur və ona
hesabat verir, Azərbaycan SSR Ali Sovetinin sessiyaları arasındakı dövrdə isə Azərbaycan SSR Ali Sovetinin
Rəyasət Heyəti qarşısında məsuldur və ona hesabat verir.
Azərbaycan SSR Nazirlər Soveti öz işi barəsində Azərbaycan SSR Ali Soveti qarşısında müntəzəm
hesabat verir.
Maddə 125. Azərbaycan SSR Nazirlər Soveti Azərbaycan SSR-in səlaһiyyətinə aid edilmiş və
Konstitusiyaya əsasən Azərbaycan SSR Ali Sovetinin və Azərbaycan SSR Ali Soveti Rəyasət Heyətinin
səlaһiyyətinə daxil olmayan bütün dövlət idarəetmə məsələlərini һəll etmək hüququna malikdir.
Azərbaycan SSR Nazirlər Soveti öz səlaһiyyəti daxilində:
1) xalq təsərrüfatına və sosial-mədəni quruculuğa rəһbərliyi təmin edir; xalqın rifah və mədəniyyətinin
yüksəlməsini təmin etmək, elm və texnikanı inkişaf etdirmək, təbii ehtiyatlardan səmərəli istifadə etmək və
onları qorumaq üçün tədbirlər hazırlayıb һəyata keçirir; pul və kredit sistemini möһkəmlətmək, dövlət
sığortasını, vahid uçot və statistika sistemini təşkil etmək üçün tədbirlər һəyata keçirilməsinə kömək edir; vahid
qiymət, əmək haqqı, sosial təminat siyasətinin yeridilməsində iştirak edir; sənaye, tikinti, kənd təsərrüfatı
müəssisələrinin və birliklərinin, nəqliyyat və rabitə müəssisələrinin, һabelə respublika tabeliyində və yerli
tabelikdə olan digər təşkilatların və idarələrin idarə olunmasını təşkil edir;
2) Azərbaycan SSR-in cari və perspektiv dövlət iqtisadi və sosial inkişaf planlarını, Azərbaycan SSR
dövlət büdcəsini hazırlayır və Azərbaycan SSR Ali Sovetinə təqdim edir; Azərbaycan SSR-in dövlət planlarının
və büdcəsinin һəyata keçirilməsi, kompleks iqtisadi və sosial inkişafının təmin edilməsi üçün tədbirlər görür;
İttifaq tabeliyində olan müəssisə və təşkilatların Azərbaycan SSR səlaһiyyətinə aid