. Evliliyin bircə tez bitməsini diləyərək Suyu qurtumladı. Bir qurtumdan elə bil susuzluğu keçmişdi. Birdən taqqıltı səsi eşidib diksindi. Stəkan əlindən yerə düşdü.Cəld arxasına döndü. Gələn Səlim idi. İçəri girərkən sadəcə qolu qapıya toxunduğu üçün səs çıxarmışdı.O da su içmək üçün gəlmişdi. Aylin yerə düşüb sınan stəkanın qırıqlarını yığmaq istəyəndə stəkanın qırıntısı əlini kəsdi. Səlim qabağa yeridi.Aylin "Uf"—deyib qırıntını əlindən atıb barmağını dişləyərək mətbəxdən çıxmaq istəyəndə Səlim onu saxladı:
-Dərin kəsilib. Gəl, yaranı yuyub yod vuraq"-deyib barmağını ovucuna alıb baxdı. Aylin cəld əlini çəkib :
-Ehtiyac yoxdur, -dedi və pilləkənləri qalxıb otağına girdi. Qapını möhkəmcə vurdu. Belə getsə,qapılar tamam söküləcəkdi.
***
Səhər Səlim oyananda Aylin hələ oyanmamışdı. Daha doğrusu,Səlim elə düşünürdü ki,Aylin yatır.Gülnarə xaladan soruşa da bilmirdi ki, Aylin oyanıbmı. Onu görübmü? Adama deyərlər :"Yanında yatan arvadından xəbərin yoxdur? "Kim nə bilir ki, onların yatağı ayrıdır.Səhər Yeməyini asta-asta yeyən Səlim Aylinin yuxudan durmasını gözləyirdi, əslində. Bilmirdi ki, Aylin Səlimi görməmək üçün səhər tezdən evdən çıxıb. Aylinin yuxudan durmadığını görən Səlim düşündü ki, yəqin,Aylin onu görmək istəmir. Ona görə də Aylindən xəbər tuta bilmədən qalxıb işinə getdi.
Aylin isə bütün gecə yerində dönüb - durmuşdu. Sadəcə düşünmüşdü. Bu axmaq evliliyə necə razı olduğunu anlaya bilmirdi. İndi isə artıq gec idi. Oflamaq- uflamaq gərəksiz idi. Sadəcə həyatı bu evlilik müddətində öz axarına buraxmaq lazım idi. Başqa ediləcək nəsə yox idi.Gözünə yuxu getməyən Aylin saata baxanda saat 6nın yarısı idi. Durub əynini geyinib hazırlandı . Bir az Sahildə gəzdi. Sonra da Nigara zəng etdi.
-Aloo. Nigarım,-səsindəki qəhəri gizlətməyə çalışdı.
Xəttin o biri ucunda Nigarın yuxulu səsi gəldi:
-Saat neçədir ki, Aylin? - dedi və gözünü ovdu.
-Bağışla, səni oyatdım.
Nigarın bütün yuxusu qaçdı. Cəld yerində dikəldi:
-Aylin, əzizim, nə olub? Səsin pis