r dəfəlik bura qayıdacaqdı, noldu?
-Qayıtmalıdır. Amma nə bilime hələ dəqiq deyil, deyir.
-Mənim xoşuma gəlmir Əli. Bilmirəm nə, amma onda nəsə xoşa gəlməz bir şey var. Hər dəfə iki günlük gəlir. Özünü xatırladır. Sonra da yoxa çıxır. Sənə deyirəm ki ,ondan sənə yar olmaz. Sən isə elə bilirsən ki, sənin pisliyinə deyirəm.
-Yox, Aylin yaxşı adamdır. Məni sevir. Sadəcə bu işlər imkan vermir də.
-Bilmirəm, Nigar. Səni yanıltmasından qorxuram... Samir ondan qat-qat yaxşı oğlandır, - deyərək hiyləgərcəsinə Nigara baxdı,-Mən səni ona yaraşdırıram. Əli ilə onu müqayisə etmək belə düzgün deyil.
-Söz danışdın da, Aylin.
Nigar Aylinə göz ağartdı,-olacaq şeydir axı? Samir və mən. Daha nələr?
-Nigar,çox safsan.Səncə, mən səni o şənliyə niyə apardım?
-Niyə?-deyərək ifadəsiz gözlərlə Aylinə baxdı.
-Uff, Nigar. Yəni heç Samirin vəziyyətini görmədin? Heç nə anlamadın? Hələ toyda onun baxışları. Onları da mı görmədin?
-Yox. Necə ki?-dedi və birdən ağlına gələn fikirdən təəccübləndi,-aa dayan, dayan. Samir məni evə aparmaq üçün yaman təkid edirdi. Mən razı olmadım. Axırda da Əli gəldi. Məni o, apardı. O zaman Samir yaman pis olmuşdu. İndi gəldi ağlıma. Demək, məndən xoşu gəlmişdi onun. Ona görə elə idi, - dedi və başını təəccüblə yellədi.
-Nəhayət ki, anladın. Necə oldu ki belə tez anladın,- Aylin istehza ilə danışdı. Rəfiqəsinin yaxşılığını istəyirdi. Əli ilə isə Nigarın xoşbəxt olmayacağını düşünürdü. Heç Samir söhbəti olmadan öncələr, universitet illərində Aylin Əlini bəyənmirdi. Nigarın ondan uzaq olmasına çalışırdı. Hətta,Əli Nigardan müsbət cavab ala bilməyəndə Aylinin yanına gələrək Nigarla arasına girməməsi üçün ona xəbərdarlıq etmişdi. Daha sonralar Nigar artıq Əliyə şans vermişdi. Aylin də sadəcə ümid edirdi ki, Əli Nigarı xoşbəxt etsin.
-Onsuzda, alınan şey deyil. Mən Əlini sevirəm.
-Yaxşı, yaxşı. Sən Allah.Bağladım söhbəti. Əlinə söz demədik,-deyib dodağını əydi.
Onlar bütün günü özlərinə həsr etdilər. Yemək bişirdilər, kinoya baxdılar,dərdləşdilər. Hətta