,yalvarıram, sadəcə bircə dəfə, daha sonra mən sənin həyatından tamamilə yox olacam. Söz verirəm.
-Sənan, tərslik eləmə, - Bahar yenidən göz yaşlarına boğuldu, - mən ərdəyəm, bunu etməyim düzgün deyil, başa düş!
-Bilirəm, Bahar, amma sən də məni başa düş. Səndən sadəcə bir saatını istəyirəm, bunun qarşılığında bütün həyatın boyu bir daha gözünə görünməyəcəm.
Bahar pilləkən ilə qalxan insanların onlara qəribə baxdığını gördükcə daha çox sıxılırdı, Sənana isə heç cür nəyisə izah edə bilməyəcəyini görüb nəhayət razılıq verdi.
-Yaxşı! Bunu sadəcə məndən əl çəkməyin üçün edəcəm. Sabah dərsdən çıxdıqdan sonra məni buradan bir az aralıda yerləşən "Colorit" adlı kefenin qarşısında gözləyərsən,- deyib Bahar cavabın gəlməsini gözləmədən qaçaraq yuxarı qalxdı. Bu onun Yaşar ilə münasibətlərinə xələl gətirəcək ilk addımı idi...
Gecə Yaşar evə uzun müddət sonra ilk dəfə içkili gəlmişdi. Axşam yeməyi zamanı onu gözləməkdən gözünün kökü saralan Bahar gecə yarısı otağa girən ərini hamamdan çıxarkən qarşıladı. Yaşarın içkili olduğunu, yenicə çimdiyi üçün üzərindən sabun ətri gələn Bahar belə tez hiss edə bildi. Yaşar qarşısında saçları və bütün bədəni islaq vəziyyətdə dayanan həyat yoldaşını bir müddət xumarlanan gözləri ilə başdan ayağa süzdü , daha sonra qolundan tutub özünə doğru çəkdi.Bahar bu ani hərəkətdən çox qorxmuşdu deyə ərinin qolları arasında çırpındı.
-Yaşar, burax məni!
-Niyə?- Yaşar istehza ilə gülümsədi və dodaqlarını Baharın hələ də nəm olan boğazına yapışdırdı.
-Yaşar, sən içkilisən.
-Hə, nə olsun?
-Yaşar, xahiş edirəm...
Bütün xahişlərə və onun əlindən çıxma cəhdlərinə baxmayaraq Yaşar güc baxımından ondan çox geridə qalan qızın kürəklərini divara yapışdırdı ;Baharı tamamilə hərəkətsiz hala gətirdi.
-Yaşar!- Bahar dəli olmuşdu. Artıq uzun müddətdir ancaq qayğı gördüyü əri nədənsə indi qarşısı alınmaz heyvana çevrilmək üzrə idi, həm də onun qayğısına ən çox ehtiyac duyduğu bir zamanda.Yaşarın öpüşləri amansızlaşır, belini sıxan əli sərtləşir, onu